Naq ak xnumeʼk li chihabʼ 4026 t.m.n.c.1

Li «kʼantiʼ» kixwechʼ xkʼulubʼ li Jehobʼa chi awabʼejink ut kixwechʼ ajwiʼ chanru naxbʼaanu. Li Jehobʼa kixye naq jun rehebʼ li ralal xkʼajol tixpitzʼ li kʼantiʼ malaj laj Tza (Génesis 3:1-5, 15). Li Yos naxkanabʼ naq ebʼ li poyanam teʼxbʼeresi ribʼ xjunes rubʼel xwankil laj Tza, abʼan moko junelik ta.

Chihabʼ 1943 t.m.n.c.1

Li Jehobʼa kixye re laj Abrahán naq jun rehebʼ li ralal xkʼajol twanq choʼq li Alalbʼej (Génesis 22:18).

Naq ak xnumeʼk li chihabʼ 1070 t.m.n.c.1

Li Jehobʼa kixye re li awabʼej David ut moqon chik kixye re laj Salomón, li ralal, naq li Alalbʼej tchalq saʼ xyanq li xjunkabʼal (2 Samuel 7:12, 16; 1 Reyes 9:3-5; Isaías 9:6, 7).

Chihabʼ 29

Li Jehobʼa kixye naq li Jesús aʼanaq li Alalbʼej ut naq treechani xkʼojaribʼaal laj David (Gálatas 3:16; Lucas 1:31-33; 3:21, 22).

 Chihabʼ 33

Laj Tza, li «kʼantiʼ», kixbʼaanu naq teʼxkamsi li Jesús, ut chi joʼkan kixrahobʼtesi li Alalbʼej. Li Jehobʼa kixwaklesi chi yoʼyo li Jesús, kixsuqʼisi saʼ choxa ut kixkʼulubʼa li xchaabʼil yuʼam li kixkʼe chaq. Ut aʼin kikʼanjelak re xkuybʼal xsachbʼal qamaak ut re naq ebʼ li ralal xkʼajol laj Adán teʼwanq xyuʼam chi junelik (Génesis 3:15; Hechos 2:32-36; 1 Corintios 15:21, 22).

Chiru li chihabʼ 1914

Li Jesús kixkut chaq li «kʼantiʼ» saʼ ruuchichʼochʼ, ut kixmin ru chi wank aran abʼan moko chiru naabʼal kutan ta (Apocalipsis 12:7-9, 12).

Li tkʼulmanq

Li Jesús tixtzʼap laj Tza chiru jun mil chihabʼ ut moqon chik tixsach chi junajwa. Ut aʼin reetalil naq tpitzʼmanq xjolom. Ut aran ttzʼaqloq ru li rajom li Yos li kiraj chaq saʼ xtiklajik choʼq re li ruuchichʼochʼ ut choʼq rehebʼ li qas qiitzʼin. Tsantobʼresiiq xkʼabʼaʼ ut tkʼutbʼesimanq naq chaabʼil naʼawabʼejink (Apocalipsis 20:1-3, 10; 21:3, 4).