TZOLOM 7
Kʼaru tzʼaqal Xnimajwal Awabʼejilal li Yos?
1. Kʼaru tzʼaqal li Xnimajwal Awabʼejilal li Yos?
Kʼaʼut maaʼani naqʼaxok ru li Jesus saʼ li awabʼejink? (MARCOS 1:40-42)
Li Xʼawabʼejilal li Yos wank saʼ choxa. Chi seebʼ li Awabʼejilal aʼin tkanaaq choʼq reeqaj li xʼawabʼejilal li winq ut tixbʼaanu naq t-uxq li Rajom li Yos saʼ choxa ut saʼ Ruuchichʼochʼ. Jwal chaabʼil xnawbʼal chirix li Xʼawabʼejilal li Yos. Chi seebʼ li Xʼawabʼejilal li Yos tixbʼaanu naq ebʼ li qas qiitzʼin teʼwanq saʼ junajil saʼ xbʼeen li Ruuchichʼochʼ. Chaawil Daniel 2:44; Mateo 6:9, 10, ut 24:14.
Saʼ li xʼawabʼejilal li ruuchichʼochʼ wank najolomink ut li Jehobʼa kixxaqabʼ li Jesus choʼq Awabʼej saʼ li Xʼawabʼejilal. Chaawil Apocalipsis 11:15.
Chaawil li bʼideo Kʼaru tzʼaqal Xnimajwal Awabʼejilal li Yos?
2. Kʼaʼut maaʼani naqʼaxok ru li Jesus chi awabʼejink?
Maaʼani naqʼaxok ru li Jesus chi awabʼejink xbʼaan naq narahok ut junelik naxbʼaanu li us (Mateo 11:28-30). Saʼ choxa wanq li Jesus naq tjolominq saʼ xbʼeen li Ruuchichʼochʼ ut truuq xtenqʼankilebʼ li poyanam xbʼaan naq wank xwankil. Naq xwaklesiik wiʼ chik chi yoʼyo xkoho saʼ choxa ut kikanaak chi oybʼeenink saʼ xnim ruqʼ li Yos (Hebreos 10:12, 13). Chirix chik aʼan kikʼeheʼk xwankil xbʼaan li Yos re naq t-oq chi awabʼejink. Chaawil Daniel 7:13, 14.
3. Anihebʼ teʼawabʼejinq rochbʼeen li Jesus?
Li Santil Hu naxye naq «li sikʼbʼilebʼ ru» teʼawabʼejinq rochbʼeen li Jesus (Daniel 7:27). Ebʼ li xtzolom li Jesus keʼsikʼeʼk ru xbʼeenwa. Ut saʼebʼ li qakutan, winq ut ixq toj yookebʼ ajwiʼ chi sikʼeʼk ru xbʼaan li Yos. Naq nekeʼkamk ebʼ laj paabʼanel aʼin, nekeʼkʼeheʼk xyuʼam saʼ musiqʼej ut nekeʼxik saʼ choxa. Chaawil Juan 14:1-3 ut 1 Corintios 15:42-44.
Lucas 12:32). Chixjunilebʼ li teʼawabʼejinq saʼ xbʼeen li Ruuchichʼochʼ rochbʼeen li Jesus 144.000. Chaawil Apocalipsis 14:1.
Jarubʼebʼ teʼxik saʼ choxa? Li Santil Hu naxye naq moko kʼihebʼ ta. Li Jesus kixye naq «jun chʼina chʼuut[ebʼ]» chi karneer (4. Kʼaru kikʼulmank naq kiʼok chi awabʼejink li Jesus?
Saʼ li chihabʼ 1914 li Jehobʼa kixxaqabʼ li Jesus choʼq awabʼej ut naq kiʼok chi awabʼejink kirisi chaq laj Tza ut ebʼ li maaʼus aj musiqʼej saʼ choxa ut kixkutebʼ saʼ Ruuchichʼochʼ. * Naq kiwakliik xjosqʼil laj Tza, kiʼok xkʼeebʼal saʼ chʼaʼajkilal li Ruuchichʼochʼ (Apocalipsis 12:7-10, 12). Chalen chaq li chihabʼ aʼin kiʼok chi numtaak li maaʼusilal. Li yalok u, li nimla hiik, li yajel ut li weʼej naxkʼutbʼesi naq chi seebʼ tkanaaq chi jolomink saʼ xbʼeen li Ruuchichʼochʼ li Xʼawabʼejilal li Yos. Chaawil Lucas 21:7, 10, 11, 31.
5. Kʼaru tixbʼaanu li Xʼawabʼejilal li Yos?
Saʼ xkʼabʼaʼ naq yook chi puktesimank li chaabʼil esilal saʼ chixjunil li Ruuchichʼochʼ, li Xʼawabʼejilal li Yos yook xchʼutubʼankilebʼ li qas qiitzʼin saʼ chixjunil xteepal li tenamit. Naabʼalebʼ li qas qiitzʼin nekeʼraj wank rubʼel xʼawabʼejilal li Jesus. Ut teʼkoleʼq naq li Xʼawabʼejilal li Yos tixsach chixjunilebʼ li maaʼusebʼ xnaʼlebʼ. Joʼkan bʼiʼ, wi naqaj xtawbʼal li osobʼtesink li tixkʼam chaq li Xʼawabʼejilal li Yos, tento tooʼabʼinq chiru li Jesus. Chaawil Apocalipsis 7:9, 14, 16, 17.
Chiru li 1.000 chihabʼ, li Xʼawabʼejilal li Yos tixbʼaanu naq ttzʼaqloq ru li kiraj chaq choʼq rehebʼ li qas qiitzʼin chalen chaq saʼ xtiklajik. Tchʼinaʼusoʼq chixjunil li Ruuchichʼochʼ. Ut chirix chik aʼan, li Jesus tixqʼaxtesi re li Xyuwaʼ li Nimajwal Awabʼejilal (1 Corintios 15:24-26). Ma nakaawaj xseeraqʼinkil re junaq li poyanam li yookat xtzolbʼal chirix li Xʼawabʼejilal li Yos? Chaawil Proverbios 2:21, 22.
^ párr. 6 Wi taawaj xkomon li naʼlebʼ chirix li chihabʼ 1914, naru taawil li perel 215 toj saʼ li 218 re li tasal hu Kʼaru tzʼaqal naxchʼolobʼ li Santil Hu?