TASAL 7
Ani tzʼaqal li Jesus?
Li Jehobʼa kixtaqla chaq li Jesus saʼ Ruuchichʼochʼ (1 Juan 4:9)
Wi naqaj xsahobʼresinkil xchʼool li Jehobʼa tento naq tqapaabʼ li Ralal. Li Yos kixyoobʼtesi xbʼeenwa li Ralal chiru laj Adan.
Ak naabʼal chihabʼ xwanjik li Ralal saʼ choxa naq kixtaqla chi yoʼlaak rikʼin li xMaria saʼ li tenamit Belen. Li kʼuulaʼal aʼin Jesus kikʼabʼaʼiik (Juan 6:38).
Naq li Jesus kiwank saʼ li Ruuchichʼochʼ, kixkʼutbʼesi chiʼus li xnaʼlebʼ li Xyuwaʼ. Li Jesus tuulan, kixrahebʼ li qas qiitzʼin ut moko kixuwak ta aatinak chirix li Jehobʼa.
Usta li Jesus junelik kixbʼaanu li us, xikʼ kiʼileʼk (1 Pedro 2:21-24)
Li Jesus kixkʼirtasihebʼ li yaj ut kiwaklesink kamenaq.
Xikʼ kiʼileʼk chaq li Jesus xbʼaan naq kixye naq ebʼ laj kʼamol bʼe inkʼaʼ nekeʼxkʼut li yaal ut maaʼusebʼ xnaʼlebʼ.
Ebʼ laj kʼamol bʼe saʼebʼ li paabʼal keʼyoobʼank aatin chiruhebʼ li awabʼej re Roma re naq tteniiq ut tkamsiiq li Jesus.
Maare twulaq ajwiʼ chaawu
LI SANTIL HU UT LI NAʼLEBʼ LI WANK CHISAʼ
Kiwulak li Sikʼbʼil Ru
Chanru keʼxkʼe chi naweʼk li anjel ut laj Juan laj Kubʼsihom Haʼ naq li Jesus aʼan li Sikʼbʼil Ru? Chanru kixkʼutbʼesi li Jehobʼa naq li ralal aʼan li Sikʼbʼil Ru?
LI SANTIL HU UT LI NAʼLEBʼ LI WANK CHISAʼ
Li Jesus Kixkʼe chi Naweʼk li Xʼawabʼejilal li Yos
Kʼaru kixkʼe tzʼaqal xwankil li Jesus naq kipuktesink? Chanru kixkʼutbʼesi li Jesus naq t-awabʼejinq rikʼin li rahok ut saʼ tiikilal?
