TASAL 6
Kʼaru naqatzol chirix li kikʼulmank saʼ li Bʼutʼihaʼ?
Keʼsacheʼk li maaʼusebʼ xnaʼlebʼ ut keʼkoleʼk laj Noe ut li xjunkabʼal (Génesis 7:11, 12, 23)
Kixkʼe li habʼ chiru 40 kutan ut 40 qʼoqyink. Naq kibʼutʼunk li Ruuchichʼochʼ, keʼkamk li maaʼusebʼ xnaʼlebʼ.
Ebʼ li anjel li keʼpaabʼank re laj Tza keʼxkanabʼ li xtibʼel ut keʼsutqʼiik choʼq maaʼus aj musiqʼej.
Laj Noe ut li xjunkabʼal keʼkoleʼk saʼ li jukubʼ kabʼl. Twulaq xqʼehil naq li Yos tixwaklesihebʼ wiʼ chik chi yoʼyo re naq teʼwanq xyuʼam chi junelik.
Teʼsacheʼq wiʼ chik li maaʼusebʼ xnaʼlebʼ ut teʼkoleʼq li chaabʼilebʼ (Mateo 24:37-39)
Laj Tza ut ebʼ li maaʼus aj musiqʼej inkʼaʼ nekeʼxkanabʼ xbʼalaqʼinkil li qas qiitzʼin.
Joʼ saʼ xkutankil laj Noe, naabʼalebʼ yookebʼ xtzʼeqtaanankil li xnaʼlebʼ li Jehobʼa. Chi seebʼ li Jehobʼa tixsach li maaʼusebʼ xnaʼlebʼ (2 Pedro 2:5, 6).
Ebʼ laj Testiiw re li Jehobʼa chanchanebʼ laj Noe, xbʼaan naq nekeʼxpaabʼ ut nekeʼxbʼaanu li naraj li Yos.
Maare twulaq ajwiʼ chaawu
LI SANTIL HU UT LI NAʼLEBʼ LI WANK CHISAʼ
Li Keʼkoleʼk saʼ li Bʼutʼihaʼ
Chanru kinujak saʼ maaʼusilal li Ruuchichʼochʼ? Chanru kixkʼutbʼesi laj Noe naq tiik xchʼool chiru li Yos ut naq naxpaabʼ?
JALAN CHIK LI HU
Ani tzʼaqal najolomink re li ruuchichʼochʼ?
Naru nasach aachʼool chi rilbʼal li naxchʼolobʼ li Santil Hu. Sikʼ kʼaʼut aajel ru xnawbʼal aʼin choʼq re li kutan chalel.
