Chaabʼil tatkʼoxlaq chirixebʼ. Chʼolchʼooq chaawu naq ebʼ laawech aj paabʼanel nekeʼraj xsahobʼresinkil xchʼool li Jehobʼa. Naq taakʼe xnaʼlebʼebʼ, xbʼeenwa taasikʼ chanru taakawresihebʼ xchʼool.

Maawoksi naabʼal li aatin li inkʼaʼ nawaklesink chʼool. Wi aajel ru naq taawoksi wiibʼ oxibʼ rehebʼ li aatin aʼin naq yooqat xchʼolobʼankil junaq li naʼlebʼ, kaʼajwiʼ taaye li naʼajmank. Li taaye saʼ laaseeraqʼ tento tixwaklesihebʼ xchʼool.

Oksi chiʼus li Raatin li Yos. Kʼut li kixbʼaanu li Jehobʼa, li yook xbʼaanunkil ut li tixbʼaanu chirixebʼ li poyanam. Tenqʼahebʼ re naq kawaqebʼ xchʼool ut re naq teʼwanq roybʼenihom.