Tenqʼahebʼ re naq teʼxtzʼil rix li xyuʼamebʼ. Bʼaanu ebʼ li patzʼom li ttenqʼanq rehebʼ chi xnawbʼal kʼaru wank saʼ xchʼoolebʼ.

Kʼut chiruhebʼ li t-ekʼasinq rehebʼ. Ye rehebʼ naq teʼxkʼoxla kʼaʼut nekeʼxbʼaanu ebʼ li chaabʼil naʼlebʼ. Tenqʼahebʼ chi xtawbʼal ru naq li chaabʼil naʼlebʼ aʼin t-ekʼasinq rehebʼ: xraabʼal li Jehobʼa, ebʼ li qas qiitzʼin ut ebʼ li naʼlebʼ li naxkʼut li Santil Hu. Kʼehebʼ chi kʼoxlak, maachʼilahebʼ. Naq taaraq laaseeraqʼ, inkʼaʼ raj teʼchalq xxutaan xbʼaan li xeʼrabʼi, teʼraj bʼan xkʼebʼal xchʼool chi xbʼaanunkil li us.

Kʼe xwankil li Jehobʼa. Kʼut chanru li xkʼutum li Santil Hu, li chaabʼil naʼlebʼ li naxkʼe ut ebʼ li xtaqlahom nokooxtenqʼa chi xnawbʼal ru li Yos ut naxkʼut chiqu naq nokooxra. Tenqʼahebʼ re naq teʼxkʼoxla li narekʼa li Jehobʼa ut re naq teʼraj xsahobʼresinkil xchʼool.