Ebʼ li eetalil li naxchap ribʼ rikʼin li naʼlebʼ aʼin:

• Sl 78:​40, 41; 106:​36-46. Ebʼ laj Israel rajlal nekeʼxrahobʼtesi chaq xchʼool li Jehobʼa ut aʼan junelik kixkuyebʼ xmaak.

• Lu 15:​11-32. Re xchʼolobʼankil chanru nakuyuk maak li Jehobʼa, li Jesús kixseeraqʼi li kixbʼaanu jun li yuwaʼbʼej li kitoqʼobʼank u. Li yuwaʼbʼej aʼin, kixkuy xmaak li ralal xbʼaan naq kixyotʼ xchʼool ut kixjal xnaʼlebʼ.

Ebʼ li eetalil li naxchap ribʼ rikʼin li naʼlebʼ aʼin:

• Heb 9:​22-28. Li apóstol Pablo kixchʼolobʼ naq li Jehobʼa naru naxkuy qamaak saʼ xkʼabʼaʼ naq li Jesús kixkʼe ribʼ chi mayejaak.

• Ap 7:​9, 10, 14, 15. Li apóstol Juan kixtzʼiibʼa naq li Yos kixkuy li xmaak li «kʼiila tenamit» xbʼaan naq kixpaabʼ naq li Jesús kixmayeja ribʼ.

Ebʼ li eetalil li naxchap ribʼ rikʼin li naʼlebʼ aʼin:

• Job 42:​7-10. Li Jehobʼa kixye re laj Job naq xbʼeenwa ttijoq chirix li oxibʼ chi winq li xeʼqʼabʼank re, tojaʼ naq tixkʼirtasi ut tixqʼajkamu.

• Mt 18:​21-35. Li Jesús kixchʼolobʼ rikʼin jun li eetalil naq tento tqakuyebʼ xmaak ebʼ li junchʼol wi naqaj naq li Jehobʼa tixkuy qamaak.

Ebʼ li eetalil li naxchap ribʼ rikʼin li naʼlebʼ aʼin:

• Sl 32:​1-5; 51:​3, 4, 18, 19. Saʼ xkʼabʼaʼ naq li awabʼej David kimaakobʼk chiru li Jehobʼa kirekʼa naq li xchʼool pukʼinbʼil ut yeqʼinbʼil, abʼan kixyotʼ xchʼool ut kixjal xnaʼlebʼ.

• Snt 5:​14-16. Laj Santiago kixye naq wi junaq laj paabʼanel namaakobʼk chiru li Jehobʼa tento tixye rehebʼ li cheekel winq.

Ebʼ li eetalil li naxchap ribʼ rikʼin li naʼlebʼ aʼin:

• 1Re 21:​27-29; 2Cr 18:​18-22, 33, 34; 19:​1, 2. Li awabʼej Acab kixkubʼsi ribʼ naq kixnaw naq li Jehobʼa tixkʼe chi xtojbʼal xmaak, joʼkan naq kiʼuxtaanaak ru xbʼaan li Jehobʼa. Abʼan moqon chik, laj Acab kixkʼutbʼesi naq moko yaal ta naq kixyotʼ xchʼool ut kixjal xnaʼlebʼ, joʼkan naq li Jehobʼa inkʼaʼ chik kixkuy xmaak ut kixbʼaanu naq tkamsiiq.

• 2Cr 33:​1-16. Usta li awabʼej Manasés kʼajoʼ chaq li xmaaʼusilal, li Jehobʼa kixkuy xmaak naq kixyotʼ xchʼool ut kixjal xnaʼlebʼ. Laj Manasés kixkʼutbʼesi naq relik chi yaal kixjal xnaʼlebʼ, kixkʼe xchʼool chi risinkil ebʼ li pechʼbʼil yos ut kixtenqʼahebʼ li junchʼol chi xloqʼoninkil li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• 2Sa 12:13; 24:1; 1Re 9:​4, 5. Usta laj David kimaakobʼk chiru li Jehobʼa, li Jehobʼa kixkuy xmaak xbʼaan naq kixyotʼ xchʼool ut kixjal xnaʼlebʼ. Moqon chik, li Jehobʼa kixye naq maajunwa kitzʼeqtaanaak xbʼaan laj David.

Ebʼ li eetalil li naxchap ribʼ rikʼin li naʼlebʼ aʼin:

• Mt 26:​36, 40, 41. Wiibʼ oxibʼ li xtzolom li Jesús xeʼwark naq kiʼajmank naq ajʼoqebʼ ru, abʼan li Jesús kixtaw ru naq usta nekeʼraj xtenqʼankil, qʼaxal lubʼlukebʼ.

• Mt 26:​69-75; Lu 24:​33, 34; Hch 2:​37-41. Oxibʼ sut kixye laj Pedro naq inkʼaʼ naxnaw ru li Jesús, abʼan li Jesús kixkuy xmaak xbʼaan naq kixkʼe reetal naq kixyotʼ xchʼool ut kixjal xnaʼlebʼ. Naq kiwaklesiik chi yoʼyo li Jesús, kixkʼut ribʼ chiru laj Pedro naq wank xjunes ut chirix chik aʼan kixkʼe re wiibʼ oxibʼ li kʼanjel li wank xwankil saʼ li chʼuut.

 Ebʼ li eetalil li naxchap ribʼ rikʼin li naʼlebʼ aʼin:

• Mt 23:​29-33. Li Jesús kixye rehebʼ laj kaʼpakʼal u aʼebʼ laj tzʼiibʼ ut ebʼ laj pariseey naq teʼxik saʼ li Gehena malaj saʼ li osoʼk chi junajwa.

• Jn 17:12; Mr 14:21. Li Jesús kixkʼabʼaʼi laj Judas Iscariote joʼ li alalbʼej «li t-osoʼq» ut kixye naq qʼaxal us raj naq inkʼaʼ kiyoʼlaak laj bʼaanuhom maaʼusilal aʼin.