Ebʼ li eetalil li naxchap ribʼ rikʼin li naʼlebʼ aʼin:

• 1Sa 15:​17-23. Li propeet Samuel kixqʼus li awabʼej Saúl xbʼaan naq inkʼaʼ kiʼabʼink chiru li Jehobʼa ut chirix chik aʼan kixchʼolobʼ naq wank xwankil li abʼink.

• Heb 5:​7-10. Li Jesús junelik kiʼabʼink chiru li Xyuwaʼ saʼ choxa, abʼan naq kiwank saʼ Ruuchichʼochʼ ut kirahobʼtesiik toj kixtzol abʼink xbʼaan li jalan jalanq li rahilal li kixkʼul.

 Ebʼ li eetalil li naxchap ribʼ rikʼin li naʼlebʼ aʼin:

• Da 3:​13-18. Usta tenebʼanbʼil kamk saʼ xbʼeenebʼ li oxibʼ chi saaj al aj hebreo inkʼaʼ xeʼxwiqʼibʼ ribʼ chiru li jalam u li kixyiibʼ laj Nabucodonosor.

• Mt 22:​15-22. Li Jesús kixchʼolobʼ chiruhebʼ li xtzolom naq tento teʼabʼinq chiruhebʼ li wankebʼ xwankil wi li napatzʼmank rehebʼ inkʼaʼ naxqʼet li Xchaqʼrabʼ li Yos.

• Hch 4:​18-31. Li wankebʼ xwankil xeʼxye rehebʼ li apóstol naq teʼxkanabʼ aatinak chirix li Raatin li Yos, abʼan ebʼ li apóstol inkʼaʼ xeʼxkanabʼ xbʼaanunkil aʼin chi moko xeʼxuwak ta.

Ebʼ li eetalil li naxchap ribʼ rikʼin li naʼlebʼ aʼin:

• Esd 7:​7-10. Laj Esdras kixkawresi li xchʼool rubʼelaj re xpaabʼankil li Xchaqʼrabʼ li Yos. Chi joʼkan, li tenamit tixkʼam re rikʼin naq t-ajmanq xpaabʼankil li Chaqʼrabʼ ut truuq xkʼutbʼal li chaqʼrabʼ chiruhebʼ li junchʼol. Laj Esdras aj tij ut kʼojkʼo chaq xchʼool rikʼin li Yos.

• Jn 14:31. Li Jesús kixchʼolobʼ kʼaʼut kixbʼaanu chi tzʼaqal re ru li kiyeeheʼk re xbʼaan li Xyuwaʼ.

Ebʼ li eetalil li naxchap ribʼ rikʼin li naʼlebʼ aʼin:

• Gé 6:​9-22; Heb 11:7. Naq laj Noé kixyiibʼ li jukubʼ kabʼl joʼ chanru kiyeeheʼk re xbʼaan li Jehobʼa, kixkʼutbʼesi naq wank xpaabʼal.

• Heb 11:​8, 9, 17. Laj Abrahán kixkʼutbʼesi naq wank xpaabʼal xbʼaan naq kiʼabʼink chiru li Jehobʼa: kiʼelk saʼ li tenamit Ur ut kachʼin chik ma kixmayeja li ralal.

Ebʼ li eetalil li naxchap ribʼ rikʼin li naʼlebʼ aʼin:

• Le 26:​3-6. Li Jehobʼa naxye naq trosobʼtesihebʼ ut trilebʼ li nekeʼabʼink chiru.

• Nú 13:​30, 31; 14:​22-24. Li Jehobʼa kirosobʼtesi laj Caleb xbʼaan naq kiʼabʼink chiru.

Ebʼ li eetalil li naxchap ribʼ rikʼin li naʼlebʼ aʼin:

• Gé 2:​16, 17; 3:​17-19. Laj Adán ut li xʼEva moko tzʼaqal ta chik re ru li xyuʼamebʼ, xeʼisiik saʼ li chʼinaʼusil naʼajej ut moko xeʼwank ta chik xyuʼam chi junelik xbʼaan naq xeʼxqʼet ribʼ chiru li Jehobʼa.

•  Dt 18:​18, 19; Hch 3:​12, 18, 22, 23. Li Jehobʼa kixye chaq naq tchalq jun li propeet li qʼaxal nim chiru laj Moisés ut kixchʼolobʼ naq li teʼxqʼet ribʼ chiru li propeet aʼin, qʼaxal ra teʼxkʼul.

• Jud 6, 7. Kʼajoʼ kichalk xjosqʼil li Jehobʼa xbʼaan naq ebʼ li ánjel li xeʼxqʼet ribʼ ut ebʼ li qas qiitzʼin re Sodoom ut Gomoor inkʼaʼ xeʼabʼink.

Ebʼ li eetalil li naxchap ribʼ rikʼin li naʼlebʼ aʼin

• Jn 12:​46-48; 14:24. Li Jesús kixchʼolobʼ naq li inkʼaʼ teʼxpaabʼ li raatin traqmanq aatin saʼ xbʼeenebʼ ut teʼxtoj rix li xeʼxbʼaanu.

Ebʼ li eetalil li naxchap ribʼ rikʼin li naʼlebʼ aʼin:

• Gé 37:​3, 4, 8, 11-13, 18. Naq saaj chaq laj José kixpaabʼ li xyuwaʼ; usta xikʼ naʼileʼk chaq xbʼaanebʼ li ras, naabʼal kixbʼeni re rilbʼalebʼ chaq.

• Lu 2:51. Li Jesús tzʼaqal re ru li xyuʼam abʼan kiʼabʼink chiru laj José ut li xMaría usta moko tzʼaqal ta re ru li xyuʼamebʼ.