Ebʼ li eetalil li naxchap ribʼ rikʼin li naʼlebʼ aʼin:

• Gé 24:​1-4, 7. Naq cheek chik laj Abrahán kixsikʼ rixaqil laj Isaac saʼ xyanqebʼ li nekeʼxloqʼoni li Jehobʼa ut maawaʼ saʼ xyanqebʼ laj Canaán li nekeʼxloqʼoni li jalanil yos.

• Gé 28:​1-4. Laj Isaac kixye re laj Jacob naq inkʼaʼ tsumlaaq rikʼin junaq li ixq aj Canaán, tsumlaaq bʼan rikʼin jun li ixq li nakʼanjelak chiru li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• 1Re 11:​1-6, 9-11. Li Jehobʼa kijosqʼoʼk rikʼin laj Salomón xbʼaan naq inkʼaʼ kiʼabʼink chiru li xchaqʼrabʼ ut kisumlaak rikʼinebʼ li ixq li jalanebʼ xtenamit. Ebʼ li ixq aʼin xeʼxbʼaanu naq tixloqʼoni ebʼ li bʼalaqʼil yos.

• Ne 13:​23-27. Joʼ chanru naq kijosqʼoʼk li Jehobʼa, laj Nehemías li ruuchil awabʼej kijosqʼoʼk ajwiʼ rikʼinebʼ laj qʼetol aatin xbʼaan naq xeʼsumlaak rikʼinebʼ li ixq li jalanebʼ xtenamit ut inkʼaʼ nekeʼxloqʼoni chaq li Yos. Laj Nehemías kixkʼehebʼ xnaʼlebʼ ut kixqʼusebʼ.

Ebʼ li eetalil li naxchap ribʼ rikʼin li naʼlebʼ aʼin:

• 1Sa 25:​2, 3, 14-17. Usta bʼihom laj Nabal, moko kixyuʼami ta li chaabʼil naʼlebʼ joʼ bʼeelomej xbʼaan naq josqʼ aj winq ut maaʼus xnaʼlebʼ. Laj Nabal aʼan li xbʼeelom li xʼAbigaíl.

• Pr 21:9. Wi inkʼaʼ naqasikʼ chiʼus rikʼin ani toosumlaaq, tqakʼe qibʼ saʼ chʼaʼajkilal ut moko sahaq ta chik saʼ qachʼool.

•  Ro 7:2. Li apóstol Pablo kixchʼolobʼ naq li ixq li nasumlaak nakanaak rubʼel xwankil li xbʼeelom. Abʼan, us xjultikankil naq li bʼeelomej moko tzʼaqal ta re ru li xyuʼam. Joʼkan naq li ixq, li wank xnaʼlebʼ, tixkʼoxla chiʼus rikʼin ani tsumlaaq.

Ebʼ li eetalil li naxchap ribʼ rikʼin li naʼlebʼ aʼin:

• Pr 24:27. Naq toj maajiʼ nasumlaak ut naq toj maajiʼ tana nawank ralal xkʼajol, li winq tento tixkʼutbʼesi naq aj kʼanjel ut truuq xwenteninkil li xjunkabʼal.

Ebʼ li eetalil li naxchap ribʼ rikʼin li naʼlebʼ aʼin:

• Rut 2:​4-7, 10-12. Laj Boaz kixnaw chanru li xRut xbʼaan naq kiril chanru nakʼanjelak, kixkʼe xchʼool chi rabʼinkil li nayeemank chirix, kiril chanru li xpaabʼal ut chanru naraatina li xjunkabʼal.

• Rut 2:​8, 9, 20. Li xRut kixnaw chanru laj Boaz xbʼaan naq kiril chanru li xtuulanil, sa naril kʼehok ut naxra li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• Pr 5:​18, 19. Wank wiibʼ oxibʼ li naʼlebʼ li naru nekeʼxyuʼami kaʼajwiʼ ebʼ li sumsu re xkʼutbʼesinkil naq nekeʼxra ribʼ.

• Can 1:2; 2:6. Naq yookebʼ chaq xnawbʼal ribʼ laj kʼaakʼalenel karneer ut li ixqaʼal aj Sulam junelik xeʼxkʼutbʼesi li rahok chiribʼilebʼ ribʼ, abʼan maajunwa xeʼxbʼaanu li tzʼaj aj naʼlebʼ.

• Can 4:12; 8:​8-10. Li ixqaʼal aj Sulam maajunwa kixtzʼajni li xyuʼam ut junelik kixkuy ribʼ, li Santil Hu naxjuntaqʼeeta li ixqaʼal aʼin rikʼin li xnaʼaj li uutzʼuʼuj li tzʼaptzʼo rokebʼaal.

Ebʼ li eetalil li naxchap ribʼ rikʼin li naʼlebʼ aʼin:

• Gé 21:​8-12. Li Jehobʼa kixye re laj Abrahán naq trabʼi li xSara li rixaqil usta inkʼaʼ kiwulak chiru li kiyeeheʼk re xbʼaan li rixaqil.

• Pr 31:​10, 11, 16, 28. Li winq li wank xnaʼlebʼ moko naxkʼaakʼale ta li rixaqil chi moko yook ta xsikʼbʼal xpaltil; chanchan bʼan li xbʼeelom li chaabʼil ixq. Li bʼeelomej aʼin nawulak chiru li naxbʼaanu li rixaqil ut naxnima ru.

• Ef 5:33. Li aatin li kixye li Yos chi xtzʼuumal re laj Pablo naxkʼutbʼesi naq li ixaqilbʼej naraj xnawbʼal naq naraheʼk xbʼaan li xbʼeelom.

Ebʼ li eetalil li naxchap ribʼ rikʼin li naʼlebʼ aʼin:

• Pr 1:8; 1Co 7:4. Li Yos kixkʼe xwankil li ixaqilbʼej ut li naʼbʼej saʼ li xsumlajik, joʼ ajwiʼ re xkʼebʼalebʼ xnaʼlebʼ ebʼ li ralal xkʼajol, abʼan moko kʼebʼil ta rehebʼ chixjunil li wankil.

• 1Co 11:3. Li apóstol Pablo kixchʼolobʼ naq chiqajunilo wank ani nataqlank saʼ qabʼeen, abʼan saʼ xbʼeen li Nimajwal Yos maaʼani nataqlank.

• Heb 13:​7, 17. Ebʼ li winq ut ebʼ li ixq tento teʼabʼinq chiruhebʼ li xaqabʼanbʼilebʼ chi xbʼeresinkil li chʼuut ut teʼxkʼe xchʼool chi xtenqʼankilebʼ.

Ebʼ li eetalil li naxchap ribʼ rikʼin li naʼlebʼ aʼin:

• Gé 18:12; 1Pe 3:​5, 6. Li xSara qʼaxal naroxloqʼi chaq li xbʼeelom ut saʼ li xchʼool naxye chaq ajwiʼ «qawaʼ»: xjolomil li xpaabʼal.

Ebʼ li eetalil li naxchap ribʼ rikʼin li naʼlebʼ aʼin:

• Gé 24:​62-67. Li xRebeca kixtenqʼa laj Isaac li xbʼeelom re naq tkʼojlaaq xchʼool naq kikamk li xnaʼ.

• 1Sa 25:​14-24, 32-38. Naq li xʼAbigaíl xkoho rilbʼal laj David kixkubʼsi ribʼ naq kiʼaatinak saʼ xkʼabʼaʼ li xbʼeelom li maakʼaʼ xnaʼlebʼ ut saʼ xkʼabʼaʼ aʼin, kixkol chixjunil li wankebʼ saʼ rochoch.

•  Est 4:​6-17; 5:​1-8; 7:​1-6; 8:​3-6. Li xʼEster kiraj xkolbʼal li xtenamit li Yos joʼkan naq xkoho xsikʼbʼal li awabʼej aʼ li xbʼeelom naq toj maajiʼ nataqlaak xbʼoqbʼal. Ut saʼ xkʼabʼaʼ aʼin kachʼin chik ma kikamsiik wiibʼ sut.