Wank wiʼ chik saʼ tuqtuukilal
Naq jun li qas qiitzʼin naxtochʼ qachʼool, kʼaʼut inkʼaʼ us naq qʼaxal toopoʼq chi moko tqakʼe reqaj li xbʼaanu qe?
Pr 20:22; 24:29; Ro 12:17, 18; Snt 1:19, 20; 1Pe 3:8, 9
-
Ebʼ li eetalil li naxchap ribʼ rikʼin li naʼlebʼ aʼin:
-
1Sa 25:9-13, 23-35. Naq laj Nabal kixchoqi laj David ut ebʼ li xmoos ut inkʼaʼ kiraj xtenqʼankilebʼ, laj David kixkʼoxla xkamsinkil laj Nabal ut chixjunilebʼ li wankebʼ saʼ rochoch. Abʼan, saʼ xkʼabʼaʼ naq li xʼAbigaíl kixkʼoxla chiʼus li kixye, laj David maaʼani kixkamsi.
-
Pr 24:17-20. Saʼ xkʼabʼaʼ li santil musiqʼej, li awabʼej Salomón kixtzʼiibʼa naq li Jehobʼa inkʼaʼ nawulak chiru naq tsahoʼq qachʼool naq ra teʼxkʼul ebʼ li xikʼ nekeʼilok qe. Naqakanabʼ bʼan chixjunil saʼ ruqʼ li Jehobʼa.
-
Wi wank qachʼaʼajkilal rikʼin junaq li qas qiitzʼin, ma us naq tqakanabʼ raatinankil malaj tqaxok saʼ li qachʼool li xbʼaanu qe?
Le 19:17, 18; 1Co 13:4, 5; Ef 4:26
-
Ebʼ li eetalil li naxchap ribʼ rikʼin li naʼlebʼ aʼin:
-
Mt 5:23, 24. Li Jesús kixye naq wi jun li qechpaabʼanel wank xchʼaʼajkilal qikʼin, tento tqabʼaanu chixjunil li wank saʼ quqʼ re naq tooruuq xkʼambʼal wiʼ chik qibʼ saʼ usilal rikʼin.
-
Kʼaru tento tqabʼaanu wi junaq li qas qiitzʼin xtochʼ qachʼool?
Kʼaʼut junelik tqakuy xmaak li qas qiitzʼin li rajlal napaltoʼk chiqu abʼan naxyotʼ xchʼool ut naxjal xnaʼlebʼ?
Wi junaq laj paabʼanel napaltoʼk chiqu ut naqekʼa naq inkʼaʼ tooruuq xkuybʼal xmaak xbʼaan naq kixyoobʼ aatin chiqix malaj xooxbʼalaqʼi re xkʼambʼal li kʼaru qe, ani raj tento t-aatinaq rikʼin ut kʼaʼut?
Kʼaru tento taabʼaanu wi ak xat-aatinak rikʼin li xyoobʼank aatin chaawix malaj li xbʼalaqʼink aawe re xkʼambʼal li kʼaru aawe, abʼan inkʼaʼ naraj xyotʼbʼal xchʼool ut xjalbʼal xnaʼlebʼ?
Maare twulaq ajwiʼ chaawu
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
