Ebʼ li eetalil li naxchap ribʼ rikʼin li naʼlebʼ aʼin:

• Mt 4:​8-10. Laj Tza kixyeechiʼi re li Jesús chixjunil li xʼawabʼejilal li ruuchichʼochʼ usta jun sut ajwiʼ tixloqʼoni ru; abʼan chʼolchʼo chiru li Jesús naq kaʼajwiʼ li Jehobʼa tento xloqʼoninkil ru joʼkan naq kixtzʼeqtaana li xyeechiʼom laj Tza.

• Ap 19:​9, 10. Jun li ánjel inkʼaʼ kixkʼulubʼa naq tloqʼoniiq ru xbʼaan li apóstol Juan.

Ebʼ li eetalil li naxchap ribʼ rikʼin li naʼlebʼ aʼin:

• Is 1:​10-17. Li Jehobʼa inkʼaʼ naxkʼulubʼa chi moko nawulak chiru li loqʼonink li nekeʼxbʼaanu saʼ kaʼpakʼal u li inkʼaʼ nekeʼraj xyuʼaminkil li Xchaqʼrabʼ.

• Mt 15:​1-11. Li Jesús kixye naq li Jehobʼa inkʼaʼ naraj naq li loqʼonink li tqakʼe re tchalq saʼ xnaʼlebʼ li winq, naraj bʼan naq tchalq saʼ li Xchaqʼrabʼ.

Ebʼ li eetalil li naxchap ribʼ rikʼin li naʼlebʼ aʼin:

• Hch 2:​40-42. Saʼ xkutankilebʼ li apóstol, ebʼ laj paabʼanel nekeʼxchʼutubʼ ribʼ re tijok, re wank saʼ junajil ut re xtzolbʼal li naʼlebʼ li nachalk rikʼin li Yos saʼ xkʼabʼaʼ li santil musiqʼej.

• 1Co 14:​26-40. Li apóstol Pablo kixye naq ebʼ li chʼutam tento tbʼaanumanq chi tustu ru ut tento naq twaklesinq chʼool re naq chixjunilebʼ li wankebʼ saʼ li chʼuut teʼruuq xtzolbʼal ut xtawbʼal ru li nakʼutmank.

Ebʼ li eetalil li naxchap ribʼ rikʼin li naʼlebʼ aʼin:

• Heb 11:6. Li apóstol Pablo kixchʼolobʼ naq aajel ru naq wanq qapaabʼal re naq li Jehobʼa tixkʼulubʼa li loqʼonink li naqakʼe re.

• Snt 2:​14-17, 24-26. Laj Santiago xkabʼ riitzʼin li Jesús kixchʼolobʼ naq li paabʼank tento tixchap ribʼ rikʼin li bʼaanuhom; li paabʼank tento toorekʼasi chi naʼlebʼak.