Ebʼ li eetalil li naxchap ribʼ rikʼin li naʼlebʼ aʼin:

• Gé 3:​1-6. Li xʼEva inkʼaʼ kixkʼe xqʼe chi xtzʼeqtaanankil li moko us ta ut kixkanabʼ naq li aaleek tnumtaaq saʼ xbʼeen.

• Jos 7:​1, 4, 5, 20-25. Naq laj Acán kixqʼet ribʼ chiru li Jehobʼa, naabʼalebʼ ra xeʼxkʼul saʼ xkʼabʼaʼ li kixmaakoni.

Ebʼ li eetalil li naxchap ribʼ rikʼin li naʼlebʼ aʼin:

• Gé 39:​7-12. Usta li rixaqil laj Potifar naabʼal sut kiraale laj José re naq tyoklaaq rikʼin, laj José maajunwa kitʼaneʼk saʼ ruqʼ.

• Job 31:​1, 9-11. Laj Job kixye naq inkʼaʼ txik xchʼool chirix junaq li ixq li maawaʼ rixaqil.

• Mt 4:​1-11. Li Jesús kixkuy xnumsinkil li aaleek li kibʼaanuuk re xbʼaan laj Tza.

Ebʼ li eetalil li naxchap ribʼ rikʼin li naʼlebʼ aʼin:

• Sl 45:2. Jun li propesiiy li naʼaatinak chirix li Mesiiy kixye chi rubʼelaj naq li Awabʼej li sikʼbʼil ru xbʼaan li Jehobʼa troksi li aatin li sa naʼabʼimank.

• Lu 4:22. Sachsokebʼ xchʼool xeʼkanaak ebʼ li qas qiitzʼin xbʼaan li chaabʼil aatin li kiroksi li Jesús.

Ebʼ li eetalil li naxchap ribʼ rikʼin li naʼlebʼ aʼin:

• Heb 12:​1-3. Li apóstol Pablo kiroksi li eetalil li kixkanabʼ li Jesús re naq ebʼ laj paabʼanel teʼwanq xkuyum.

• Snt 5:​10, 11. Laj Santiago kiʼaatinak chirix li xkuyum laj Job ut chanru kiʼosobʼtesiik xbʼaan li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• Ne 5:​14-19. Saʼ xkʼabʼaʼ naq laj Nehemías li ruuchil awabʼej naroxloqʼi chaq li Jehobʼa inkʼaʼ kixpatzʼ re li xtenamit li Yos li nakʼemank re junaq li ruuchil awabʼej joʼ xeʼxbʼaanu jalanebʼ chik.

• Heb 5:​7, 8. Li Jesús kixkanabʼ jun chaabʼil eetalil choʼq qe naq kiroxloqʼi li Yos.

Ebʼ li eetalil li naxchap ribʼ rikʼin li naʼlebʼ aʼin:

• Hch 10:​1-7. Usta laj Cornelio maawaʼ aj judiiy, li Jehobʼa kixkʼe reetal naq naxloqʼoni ru chi anchal xchʼool ut nawulak chiru kʼehok chi yoʼon.

• 1Ti 3:16. Li Jesús kixkanabʼ qe jun chaabʼil eetalil chirix chanru xloqʼoninkil li Yos.

Ebʼ li eetalil li naxchap ribʼ rikʼin li naʼlebʼ aʼin:

• Heb 11:​8-10. Laj Abrahán kiwank joʼ abʼil tenamit saʼebʼ li kokʼ ochoch xbʼaan naq moko xwiibʼank ta xchʼool chirix li Xʼawabʼejilal li Yos.

• Heb 11:​24-27. Chixjunil li kixbʼaanu laj Moisés saʼ li xyuʼam kixkʼutbʼesi naq chanchan tawiʼ naril ru li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• 1Cr 25:​1-8. Li awabʼej David kixkawresi jun chʼuut aj bʼichanel ut aj chʼeʼol son li teʼkʼanjelaq saʼ komonil re naq teʼxbʼaanu li xkʼanjel.

• Ne 3:​1, 2, 8, 9, 12; 4:​6-8, 14-18, 22, 23; 5:16; 6:15. Li Jehobʼa kirosobʼtesihebʼ li xeʼraj kʼanjelak saʼ komonil ut chiru 52 kutan xeʼxchoy xwaklesinkil wiʼ chik li xtzʼakil li tenamit Jerusalén.

Ebʼ li eetalil li naxchap ribʼ rikʼin li naʼlebʼ aʼin:

• Nú 14:​1-4, 11. Ebʼ laj Israel inkʼaʼ xeʼroxloqʼi laj Moisés joʼ ajwiʼ laj Aarón li xyuwaʼil aj tij; li Jehobʼa kiril naq chanchan tawiʼ re xeʼxbʼaanu aʼin.

• Mt 21:​33-41. Li Jesús kiroksi jun eetalil re xkʼutbʼesinkil kʼaru teʼxkʼul li inkʼaʼ nekeʼoxloqʼink re li Jehobʼa malaj ebʼ li xpropeet.

Ebʼ li eetalil li naxchap ribʼ rikʼin li naʼlebʼ aʼin:

• Da 1:​3-5, 8-20. Li propeet Daniel ut li oxibʼ chi ramiiw inkʼaʼ xeʼxmux li xpaabʼal chi moko xeʼxqʼet li Xchaqʼrabʼ laj Moisés chirix kʼaru li tzekemq naru teʼxwaʼ.

• Lu 21:​1-4. Li Jesús inkʼaʼ kixtzʼeq chirix xchʼool li chʼina sentaaw li kixkʼe li malkaʼan, kiril bʼan naq kaw xpaabʼal.

Ebʼ li eetalil li naxchap ribʼ rikʼin li naʼlebʼ aʼin:

• Gé 39:​4-12. Laj José inkʼaʼ kixtzʼajni li xyuʼam usta li rixaqil laj Potifar rajlal sut kixyal xqʼunbʼesinkil re naq twarq rikʼin.

• Can 4:12; 8:6. Li xSulamita maajunwa kixkʼat roq li winq li naxra joʼkan naq saq chaq ru li xyuʼam. Li ixqaʼal aʼin chanchan li xnaʼaj li uutzʼuʼuj li tzʼaptzʼo rokebʼaal.

Ebʼ li eetalil li naxchap ribʼ rikʼin li naʼlebʼ aʼin:

• 1Sa 23:​15-18. Laj Jonatán kixkʼojobʼ xchʼool laj David naq kiʼajeʼk xkamsinkil xbʼaan li awabʼej Saúl.

• Hch 15:​22-31. Li Nekeʼjolomink re xtenamit li Jehobʼa saʼ xkutankilebʼ li apóstol xeʼxtaqla jun li esilhu saʼebʼ li chʼuut li kixwaklesihebʼ xchʼool naabʼalebʼ laj paabʼanel.

Ebʼ li eetalil li naxchap ribʼ rikʼin li naʼlebʼ aʼin:

• Lu 22:​40-43. Li Jesús kixkanabʼ jun chaabʼil eetalil chirix xkʼebʼal ribʼ rubʼel xwankil junaq chik, xbʼaan naq kiʼabʼink chiru li Xyuwaʼ usta wank sut kichʼaʼajkoʼk chiru xbʼaanunkil.

• 1Pe 3:​1-6. Li apóstol Pedro kiroksi li xSara joʼ eetalil choʼq rehebʼ li ixaqilbʼej aj paabʼanel xbʼaan naq li xSara junelik kiwank rubʼel xwankil li xbʼeelom.