Ebʼ li eetalil li naxchap ribʼ rikʼin li naʼlebʼ aʼin:

• 2Cr 36:​11-17. Li awabʼej Sedequías yibʼru xnaʼlebʼ ut kaw xjolom, ut saʼ xkʼabʼaʼ aʼin kichalk naabʼal li rahilal saʼ xbʼeen li tenamit.

• Hch 19:​8, 9. Li apóstol Pablo kixkanabʼ xkʼebʼal chi naweʼk li yaal rehebʼ li kawebʼ xjolom ut inkʼaʼ xeʼxkʼulubʼa li esil chirix li Xʼawabʼejilal li Yos.

Ebʼ li eetalil li naxchap ribʼ rikʼin li naʼlebʼ aʼin:

• 1Sa 8:​10-20. Usta laj Samuel kixye rehebʼ laj Israel naq moko us ta naq junaq li winq t-awabʼejinq rehebʼ, inkʼaʼ xeʼraj rabʼinkil.

• 1Sa 25:​2-13, 34. Saʼ xkʼabʼaʼ naq laj Nabal inkʼaʼ kixtenqʼa laj David, kachʼin chik ma kikamk laj Nabal ut chixjunilebʼ li wankebʼ saʼ rochoch.

Ebʼ li eetalil li naxchap ribʼ rikʼin li naʼlebʼ aʼin:

• Gé 42:​21-24. Naq ebʼ li ras laj José xeʼxjultika li maaʼusilal li xeʼxbʼaanu re, kʼajoʼ xeʼrahoʼk saʼ xchʼool.

• Mr 3:​1-6. Kʼajoʼ kirahok saʼ xchʼool li Jesús naq kiril li xmaaʼusilalebʼ laj pariseey.

Ebʼ li eetalil li naxchap ribʼ rikʼin li naʼlebʼ aʼin:

• 2Sa 15:​1-6. Laj Absalón qʼaxal kixnima ribʼ chiruhebʼ li qas qiitzʼin ut kiraj naq li tenamit txik xchʼool chirix ut inkʼaʼ chirix li awabʼej David aʼ li xyuwaʼ.

• Da 4:​29-32. Saʼ xkʼabʼaʼ naq qʼaxal qʼetqʼet li awabʼej Nabucodonosor kiqʼuseʼk xbʼaan li Jehobʼa.

Ebʼ li eetalil li naxchap ribʼ rikʼin li naʼlebʼ aʼin:

• Gé 26:​12-15. Naq li Jehobʼa kirosobʼtesi li xkawil kʼanjel laj Isaac, ebʼ laj filisteo xeʼok xkaqalinkil.

• 1Re 21:​1-19. Li awabʼej Acab li maaʼus xnaʼlebʼ qʼaxal kixrahi ru li xchʼochʼ laj Nabot, ut saʼ xkʼabʼaʼ aʼin, xeʼxqʼabʼa ut xeʼxkamsi.

Ebʼ li eetalil li naxchap ribʼ rikʼin li naʼlebʼ aʼin:

• 1Sa 18:​6-9; 20:​30-34. Li awabʼej Saúl kiʼok xkʼoxlankil naq moko yaal ta naq laj David nakʼanjelak chi anchal xchʼool ut kixyal xbʼaanunkil naq xikʼ t-ileʼq xbʼaan laj Jonatán.

Ebʼ li eetalil li naxchap ribʼ rikʼin li naʼlebʼ aʼin:

• Mt 12:​1-7. Li Jesús kixkʼutbʼesi naq ebʼ laj pariseey nekeʼxkʼoxla naq tiik wiʼ chik xchʼoolebʼ chiruhebʼ li junchʼol.

• Lu 18:​9-14. Li Jesús kiroksi jun li eetalil re xkʼutbʼal naq ebʼ li qas qiitzʼin li nekeʼxkʼoxla naq nekeʼnaʼlebʼak saʼ tiikilal moko kʼulubʼanbʼilebʼ ta xbʼaan li Yos.

Ebʼ li eetalil li naxchap ribʼ rikʼin li naʼlebʼ aʼin:

• Job 31:​24-28. Usta bʼihom chaq laj Job, inkʼaʼ kitʼaneʼk saʼ li aaleek chirix xrahinkil ru li junkabʼlal.

• Mr 10:​17-27. Jun li saaj li wank xbʼihomal kʼajoʼ naroxloqʼi li xjunkabʼlal joʼkan naq inkʼaʼ kiruuk xkanabʼankil chiʼixbʼej ut xtaqenkil li Jesús.

Ebʼ li eetalil li naxchap ribʼ rikʼin li naʼlebʼ aʼin:

• Nú 13:​25-33. Saʼ xkʼabʼaʼ naq li lajeebʼ chi winq aj Israel li xeʼxchʼuuki chaq li tenamit xeʼxkanabʼ naq teʼechaniiq xbʼaanebʼ xxiw, aʼin kixbʼaanu naq chixjunil li tenamit t-oq ajwiʼ xxiw.

• Mt 26:​69-75. Saʼ xkʼabʼaʼ naq laj Pedro kixxuwa chaq ru li winq, aʼin kixbʼaanu naq oxibʼ sut tixye naq inkʼaʼ naxnaw ru li Jesús.

Ebʼ li eetalil li naxchap ribʼ rikʼin li naʼlebʼ aʼin:

• Gé 37:​18, 19, 23, 24, 31-35. Laj José kirahobʼtesiik xbʼaanebʼ li ras ut xeʼxkʼayi choʼq moos, ut chirix chik aʼan, xeʼxye re laj Jacob naq kamenaq li ralal li qʼaxal raaro xbʼaan.

• Gé 49:​5-7. Laj Simeón ut laj Leví xeʼqʼuseʼk xbʼaan naq xeʼxkanabʼ naq ebʼ li xjosqʼil ttaqlanq saʼ xbʼeenebʼ ut kʼajoʼ li rahilal xeʼxbʼaanu.

•  1Sa 20:​30-34. Naq yook chaq xjosqʼil laj Saúl, kixhobʼ laj Jonatán li ralal ut kixyal xkamsinkil.

• 1Sa 25:​14-17. Naq laj Nabal kaw kiraatinahebʼ li winq li nekeʼkʼanjelak rikʼin laj David, kixkʼe saʼ chʼaʼajkilal li xyuʼamebʼ li winq li wankebʼ saʼ rochoch.

Ebʼ li eetalil li naxchap ribʼ rikʼin li naʼlebʼ aʼin:

• Gé 13:​5-9. Naq xeʼxchoqi ribʼ ebʼ li xmoos laj Abrahán rikʼinebʼ li xmoos laj Lot, laj Abrahán kixbʼaanu chixjunil li wank saʼ ruqʼ re naq teʼwanq saʼ tuqtuukilal.

• Jue 8:​1-3. Ebʼ laj Efraín xeʼraj pleetik rikʼin laj Gedeón laj raqol aatin, abʼan xeʼkubʼeek xjosqʼil xbʼaan naq laj Gedeón kixkubʼsi ribʼ.

Ebʼ li eetalil li naxchap ribʼ rikʼin li naʼlebʼ aʼin:

• Abd 10-14. Li Yos kixkʼehebʼ xtojbʼal xmaak ebʼ laj Edom xbʼaan naq saʼ josqʼil xeʼraatina ebʼ laj Israel li chanchanebʼ riitzʼin.