Kʼaru nakaakʼoxla chirix li Santil Hu?
Ma nakaakʼoxla naq...
-
... xnaʼlebʼ winq wank chisaʼ?
-
... junes seeraqʼinbʼil aatin naxye?
-
... Raatin li Yos?
LI SANTIL HU NAXYE
«Chixjunil li Santil Hu [...] musiqʼanbʼil xbʼaan li Yos.» (2 Timoteo 3:16, Li Santil Hu, Sociedad Bíblica de Guatemala.)
CHANRU TOOXTENQʼA XNAWBʼAL AʼIN
Tqataw xsumenkilebʼ li patzʼom chirix li yuʼam (Proverbios 2:1-5).
Twanq jun li chaabʼil naʼlebʼ re xbʼeeresinkil li qayuʼam (Salmo 119:105).
Tqakʼe reetal naq wank qoybʼeenihom saʼ li kutan chaalel (Romanos 15:4).
MA WANK XYAALAL NAQ TQAPAABʼ LI SANTIL HU?
Heeheʼ, wank oxibʼ xyaalal:
-
Junaj ru li naʼlebʼ wank chisaʼ. Li Santil Hu kitzʼiibʼamank chiru 1.600 chihabʼ, 40 tana chi winq keʼtzʼiibʼank chaq re ut moko juntaqʼeet ta xwanjikebʼ ut xkʼanjelebʼ chixjunqalebʼ. Usta wankebʼ maajunwa rilomebʼ chaq ribʼ, junaj ru li naʼlebʼ keʼxtzʼiibʼa saʼ li Santil Hu chirix li Xʼawabʼejilal li Yos.
-
Keʼxtzʼiibʼa chi tzʼaqal re ru li kikʼulmank chaq. Naabʼalebʼ laj tzʼiibʼ moko nekeʼxtzʼiibʼa ta xpaltil li xtenamitebʼ. Abʼan, ebʼ li keʼtzʼiibʼank chaq re li Santil Hu, keʼxye chanru keʼpaltoʼk aʼan ut chanru kipaltoʼk li xtenamitebʼ (2 Cronicas 36:15, 16; Salmo 51:3-6 [51:1-4, Traducción del Nuevo Mundo]).
-
Chixjunil li naxye natzʼaqlok ru. Ak wiibʼ siʼeent chihabʼ ma nasachmank li najter Babilonia naq li Santil Hu kixye naq tkʼulmanq aʼin (Isaias 13:17-22). Abʼan moko kaʼaj tawiʼ kixye chanru teʼreechani li tenamit, kixye bʼan ajwiʼ ani xkʼabʼaʼ li tsachoq re (Isaias 45:1-3).
Chixjunil li kixye chaq li Santil Hu kitzʼaqlok ru chi tzʼaqal re ru. Peʼyaal naq kaʼajwiʼ li Raatin li Yos naxnaw chixjunil aʼin? (2 Pedro 1:21).
KʼOXLA LI PATZʼOM AʼIN
Chanru truuq intenqʼankil li Raatin li Yos re naq chaabʼilaq linyuʼam?
Li Santil Hu naxsume li patzʼom aʼin saʼ ISAIAS 48:17, 18 ut saʼ 2 TIMOTEO 3:16, 17.
Maare twulaq ajwiʼ chaawu
LI SANTIL HU NAXSUME EBʼ LI PATZʼOM
Kʼaru li Santil Hu?
Tzol li chaabʼil esil li naxkʼe li Yos choʼq rehebʼ li kristiʼaan.
LI SANTIL HU NAXSUME EBʼ LI PATZʼOM
Kʼaru naʼajmank re xtawbʼal ru li naxye li Santil Hu?
Tatruuq xtawbʼal xwankil li esil li wank saʼ li Santil Hu.
LI SANTIL HU NAXSUME EBʼ LI PATZʼOM
Kʼaru ebʼ li propesiiy?
Ma chixjunil li propesiiy naʼaatinak chirix li kutan chalk re? Moko joʼkan ta.
QʼAXAL LOQʼ LI NAXKʼUT LI SANTIL HU
Chanru naqanaw naq yaal chixjunil li wank saʼ li Santil Hu?
Wi li Yos kimusiqʼank re li Santil Hu, jalan raj chiruhebʼ li junchʼol chi tasal hu.
SPECIAL CAMPAIGN
Kʼaʼut us naq tattzoloq chirix li Santil Hu? (chixjunil)
Chi miyon ebʼ li qas qiitzʼin re chixjunil li Ruchichʼochʼ xeʼxtaw saʼ li Santil Hu xsumenkil ebʼ li xninqal ru patzʼom. Naqaj naq taatzol li chaabʼil tasal hu aʼin.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
