Xtiklajik li tasal 12
Li Jesus kiʼaatinak chirix li Xʼawabʼejilal li choxa. Kixkʼut ajwiʼ naq tqapatzʼ saʼ li qatij naq tsantobʼresiiq li xkʼabʼaʼ li Yos, naq tchalq Xʼawabʼejilal ut naq t-uxq li rajom saʼ ruuchichʼochʼ. Wi wank aakokʼal, tenqʼahebʼ chi xtawbʼal ru kʼaru xyaalalil choʼq qe li tij aʼin. Li Jesus inkʼaʼ kixkanabʼ naq laj Tza tixbʼaanu naq tixtzʼeqtaana li Yos, kixkʼe bʼan xchʼool chirix li tzʼaqal paabʼal. Kixsikʼ ru ebʼ li Xʼapostol re naq teʼxbʼaanu jun nimla kʼanjel saʼ Xʼawabʼejilal li Yos. Ut saʼ xkʼabʼaʼ naq kiraj xtenqʼankilebʼ li junchʼol, kibʼanok yaj, kixchʼolani li wankebʼ saʼ weʼej ut kixwaklesi chi yoʼyo wiibʼ oxibʼ li poyanam. Ebʼ li sachbʼachʼoolej aʼin, naxkʼutbʼesi li tixbʼaanu li Xʼawabʼejilal li Yos chirixebʼ li poyanam.
SAʼ LI TASAL AʼIN
TZOLOM 74
Li Jesus aʼan li Sikʼbʼil Ru
Kʼaru kiraj xyeebʼal laj Juan naq kixkʼabʼaʼi li Jesus choʼq Xkarneer li Yos?
TZOLOM 75
Laj Tza naxyal rix li Jesus
Laj Tza oxibʼ sut naxyal rix li Jesus. Bʼar wank li oxibʼ chi aaleek? Chanru nasumenk li Jesus?
TZOLOM 76
Li Jesus naxmes li rochoch li Yos
Kʼaʼut narisi ebʼ li xul saʼ rochoch li Yos ut naxbʼalqʼusi xmeexebʼ laj jalol tumin?
TZOLOM 77
Li Jesus naʼaatinak rikʼin jun li ixq chire li bʼekbʼilhaʼ
Kʼaʼut li ixq aj Samaria nasachk xchʼool naq naʼaatinaak xbʼaan li Jesus? Li Jesus kixye li aatin li maajunwa xyehom re junaq chik li poyanam, kʼaru kixye re?
TZOLOM 78
Li Jesus napuktesink
Li Jesus naxbʼoq wiibʼ oxibʼ li xtzolom re xsikʼbʼalebʼ li poyanam choʼq ruuchil li kar. Kixkawresi 70 rehebʼ li xtzolom re naq teʼxpuktesi li chaabʼil esil.
TZOLOM 79
Li Jesus naxbʼaanu naabʼal li sachbʼachʼoolej
Yalaq bʼar nanumeʼk li Jesus, ebʼ li yaj nekeʼxpatzʼ xtenqʼankil re, ut aʼan naxbʼanebʼ. Joʼkan ajwiʼ, kixwaklesi chi yoʼyo jun li chʼina ixqaʼal.
TZOLOM 80
Li Jesus naxsikʼ li 12 chi Apostol
Kʼaru aj e naq naxsikʼebʼ ru? Ma jultik aawe li xkʼabʼaʼebʼ?
TZOLOM 81
Li seeraqʼ saʼ li tzuul
Li Jesus naxkʼut chiru jun chʼuut chi poyanam ebʼ li naʼlebʼ li naʼajmank xnawbʼal.
TZOLOM 82
Li Jesus naxkʼut tijok chiruhebʼ li xtzolom
Kʼaru naxye li Jesus rehebʼ li xtzolom naq inkʼaʼ teʼxkanabʼ xtzʼaamankil?
TZOLOM 83
Li Jesus chi mil naxchʼolanihebʼ
Kʼaru naxkʼut chiqu li sachbʼachʼoolej aʼin chirix li Jesus ut li Jehobʼa?
TZOLOM 84
Li Jesus nabʼeek saʼ xbʼeen haʼ
Ma nakaakʼoxla chanru keʼrekʼa ribʼ ebʼ li Xʼapostol naq keʼril li sachbʼachʼoolej aʼin?
TZOLOM 85
Li Jesus nabʼanok saʼ Sabado
Kʼaʼut wankebʼ inkʼaʼ nekeʼwulak chiru li naxbʼaanu li Jesus?
TZOLOM 86
Li Jesus naxwaklesi chi yoʼyo laj Lazaro
Naq li Jesus naril chi yaabʼak li xMaria, naʼok ajwiʼ chi yaabʼak aʼan. Abʼan li rahil chʼoolejil aʼin nasutqʼiik choʼq sahil chʼoolejil.