Xtiklajik li tasal 5
Ak wiibʼ po xtoqbʼal ru li Kaqi palaw naq ebʼ laj Israel keʼwulak saʼ li tzuul Sinai. Aran li Jehobʼa kixbʼaanu jun li sumwank rikʼin li tenamit Israel re naq twanq choʼq xtenamit, li qʼaxal us. Kixkolebʼ ut kixkʼe rehebʼ li naʼajmank: li mana re xwaʼbʼal, li tʼikr li inkʼaʼ naʼosoʼk ut jun li naʼaj bʼarwiʼ maakʼaʼ teʼxkʼul. Wi wank aakokʼal, tenqʼahebʼ chi xtawbʼal ru kʼaʼut li Jehobʼa kixkʼe rehebʼ laj Israel li Chaqʼrabʼ, li naʼaj re loqʼonink, ut li kʼanjel choʼq aj tij. Taakʼe chi naweʼk kʼaʼut wank xwankil xbʼaanunkil li naqaye ut maajunwa tqatzʼeqtaana li Jehobʼa ut inkʼaʼ tqanima qibʼ.
SAʼ LI TASAL AʼIN
TZOLOM 23
Keʼxkʼe li raatin re li Jehobʼa
Ebʼ laj Israel keʼxsume chiru li Yos xbʼaanunkil jun li loqʼlaj naʼlebʼ naq wankebʼ saʼ xtaqʼahil li tzuul Sinai.
TZOLOM 24
Inkʼaʼ xeʼxbʼaanu li xeʼxye
Naq li Yos yook xkʼebʼal re laj Moises li Lajeebʼ chi Chaqʼrabʼ, li tenamit yook chi maakobʼk.
TZOLOM 25
Jun li naʼaj re xloqʼoninkil li Yos
Saʼ li naʼaj aʼin li qʼaxal chaabʼil wank chaq xkaaxil li sumwank.
TZOLOM 26
Ebʼ li 12 aj chʼuuk
Laj Josue ut Caleb jalan xnaʼlebʼebʼ chiru li lajeebʼ chi winq li xeʼxchʼuuki chaq li tenamit Canaan.
TZOLOM 27
Nekeʼxqʼet ribʼ chiru li Jehobʼa
Laj Core, laj Datan, laj Abiram, ut li 250 chi winq inkʼaʼ nekeʼxkʼe reetal jun li naʼlebʼ li jwal loqʼ chirix li Jehobʼa.