Xtiklajik li tasal 8
Li Jehobʼa kirosobʼtesi laj Salomon rikʼin xkʼebʼal re li xnimal ru naʼlebʼ ut rikʼin xkʼebʼal re jun li nimla kʼanjel chirix xyiibʼankil li rochoch li Yos. Abʼan laj Salomon timil timil kiʼok xkanabʼankil li Yos. Wi wank aakokʼal, chʼolobʼ chiruhebʼ naq ebʼ li keʼxloqʼoni ebʼ li bʼalaqʼil yos keʼxbʼaanu naq laj Salomon tixkanabʼ li Jehobʼa. Li awabʼejilal kixjach ribʼ, ut keʼwank awabʼej maaʼusebʼ xnaʼlebʼ li keʼxbʼaanu naq li tenamit tixtzʼeqtaana li Yos ut tixloqʼoni li pechʼbʼil yos. Chiruhebʼ li kutan aʼan, naabʼalebʼ li propeet li tiikebʼ xchʼool chiru li Jehobʼa keʼtaqeek ut keʼkamsiik. Saʼ xkʼabʼaʼ li xJezabel, li awabʼej, jwal xnumtaak wiʼ chik xloqʼoninkil li bʼalaqʼil yos li kixbʼaanu li lajeebʼ chi teep. Jwal kichʼaʼajkoʼk ebʼ li kutan aʼin choʼq rehebʼ laj Israel. Usta joʼkan, toj naabʼalebʼ laj Israel li yookebʼ chi kʼanjelak chiru li Jehobʼa, joʼ li awabʼej Jehosafat ut li propeet Elias.
SAʼ LI TASAL AʼIN
TZOLOM 44
Jun li ochoch choʼq re li Jehobʼa
Li Yos nawulak chiru li kixpatzʼ li awabʼej Salomon, ut nakʼeheʼk re li xnimal ru kʼanjel.
TZOLOM 46
Li Jehobʼa naxkʼutbʼesi naq aʼan li tzʼaqal Yos
Ani li tzʼaqal Yos? Li Jehobʼa malaj laj Baal?
TZOLOM 49
Jun maaʼus aj ixq naxtoj xmaak
Li xJezabel naxkʼubʼ chanru xkamsinkil jun laj Israel, aj Nabot xkʼabʼaʼ yal re xmaqʼbʼal li xchʼochʼ. Abʼan li Jehobʼa naril li xmaaʼusilal.
TZOLOM 50
Li Jehobʼa naxkol laj Jehosafat saʼ ruqʼebʼ li xikʼ nekeʼilok re
Laj Jehosafat, li chaabʼil awabʼej, natijok chiru li Yos re xtzʼaamankil naq ttenqʼaaq naq ebʼ li xikʼ nekeʼilok teʼchalq chi yalok saʼ xbʼeen Juda.