1. Saʼ li Santil Hu naxye naq

li Jehobʼa aʼan rahok,

ut ani inkʼaʼ naxnaw ru

chi moko naxnaw rahok.

Li rahok chanchan junaq bʼe

li naxkʼe xsahil li qaanm

ut toj wank kʼaru naxkʼam chaq:

Aʼ li junelik yuʼam!

2. Wi ta linyuʼam tinkʼe ut

chaabʼilaq linbʼaanuhom,

chixjunil maakʼaʼ naʼok wiʼ,

wi inkʼaʼ ninnaw rahok.

Li rahok moko napoʼk ta,

chixjunil nariiqani,

maajoqʼe nakaqalik ut

chixjunil naroybʼeni.

3. Miqaxok saʼ li qachʼool naq

namaakobʼk chiqu junaq.

Choorahoq joʼ li Jehobʼa Yos;

qatzolaq li kuyuk maak.

Wi taara Laayos Jehobʼa ut

laawas aawiitzʼin ajwiʼ,

tsahoʼq li xchʼool li Yos ut

usilal taataw rikʼin!