BʼICH 136
Li Jehobʼa chi osobʼtesink aawe
(Rut 2:12)
-
1. Li xloqʼoninkil li Jehobʼa us choʼq qe,
naxkʼe li sahil chʼoolejil.
Abʼan nakʼulmank naq maare ra wankat
xbʼaan li xaakanabʼ chaq junxil.
Li Yos nanawok re li nakaabʼaanu
ut nakaakanabʼ saʼ xkʼabʼaʼ,
ut naxyeechiʼi qe naq tooxqʼajkamu
rikʼin yuʼamej ut sahilal.
(XYEEBʼAL WIʼ CHIK)
Li Jehobʼa chi osobʼtesink aawe.
Chi xqʼajkamu aawe laachaabʼilal.
Rubʼel li xxikʼ wank xkolbʼal aawibʼ.
«Wankin aawikʼin», chan. «Tatinmuheela».
-
2. Wank sut naqekʼa naq jwal ra qayuʼam,
inkʼaʼ chik tooruuq chi xkuybʼal.
Ut li qakʼaʼuxl nanimank chi tzʼaqal,
li iiq saʼ qabʼeen qʼaxal aal.
Li Yos nanawok re kʼaru nakaakʼul,
naril chixjunil laarahilal.
Rikʼin li Raatin, li xmusiqʼ ut qamiiw
nokooxchʼolani saʼ xyaalal.
(XYEEBʼAL WIʼ CHIK)
Li Jehobʼa chi osobʼtesink aawe.
Chi xqʼajkamu aawe laachaabʼilal.
Rubʼel li xxikʼ wank xkolbʼal aawibʼ.
«Wankin aawikʼin», chan. «Tatinmuheela».
(Chaawil ajwiʼ Juec. 11:38-40; Is. 41:10).
