BʼICH 144
Maakanabʼ xkaʼyankil laamaatan!
-
1. Chaakʼoxla ebʼ li kutan chalk re
naq li Yos twanq choʼq Awabʼej,
naq li mutzʼ teʼruuq chik chi ilok
ut li yeq roq yooq chi piskʼok.
Naq maabʼar twanq li kamk ut maak
ut taawil wiʼ chik laakamenaq.
(XYEEBʼAL WIʼ CHIK)
Maakanabʼ chi xkaʼyankil aʼan
ut wanq chi tzʼaqal laamaatan.
-
2. Naq laj xojbʼ ut li karneer teʼwanq
saʼ tuqtuukilal, wotz teʼhilanq…
Naq jun chʼinaʼal tixbʼeresi
ebʼ li kaqkoj chi ichajibʼk.
Naq inkʼaʼ chik tjultikamanq
li raaxiikʼ, rahilal malaj yaabʼak.
(XYEEBʼAL WIʼ CHIK)
Maakanabʼ chi xkaʼyankil aʼan
ut wanq chi tzʼaqal laamaatan.
(Chaawil ajwiʼ Is. 11:6-9; 35:5-7; Juan 11:24).
