Xkubʼsinkil:

• Reetalil li bʼich

1. 1. Chʼinaʼus nekeʼbʼichank ebʼ

   li kokʼ tzʼik saʼ li kʼicheʼ,

   li kʼajobʼ chiru li pim wank,

   maajun choql naxmoy ru li saqʼe.

   Saasa chik chixjunil ut

   anaqwan xaakʼe reetal,

   li kʼaru yookat xkʼulbʼal

   jwal nachʼ chaawu kiwank chaq!

2. 2. Jun ochoch saʼ ru taqʼa wank,

   ut jun chik saʼ xxaal li tzuul.

   Li roqhaʼ nabʼululnak chaq,

   ut naxkʼe rukʼaʼ ebʼ li kokʼ xul.

   Li kʼal natzojojnak ut

   chalk re li qʼolok ixim.

   Li akʼ ruuchichʼochʼ aʼin

   jwal nachʼ chaawu kiwank chaq!

   (RUUTZʼUʼUJIL)

   Qʼaxal chaabʼil xyalbʼal xsahil

   li akʼ yuʼam rajlal kutan!

   Saajin wiʼ chik, laaʼat ajwiʼ.

   Ut li yaabʼak xʼosoʼk chikan.

3. 3. Chʼinaʼus nekeʼwajbʼak laj

   bʼichanel chire nimaʼ,

   nakaayiibʼ chiʼus laameex ut

   jwal sununk li xbʼook jar paay chi wa.

   Naqaye «bʼanyox Jehobʼa Yos,

   chixjunil xqamaatani».

   Li chaabʼil echej aʼin

   jwal nachʼ chiqu kiwank chaq!

   (RUUTZʼUʼUJIL)

   Rajlal kutan xatinkʼoxla,

   chanchan naq maajoqʼe tatwil;

   ut anaqwan arin wankat

   joʼ jun linmatkʼ, qʼaxal chaabʼil.

4. 4. Nachʼ, jwal nachʼ chiwu wank

   li akʼ ruuchichʼochʼ aʼin.

   Li Jehobʼa kixyeechiʼi chaq;

   li Qayos inkʼaʼ natikʼtiʼik.

   Ut nawaklesiik linchʼool naq

   ninkʼoxla li yook chi chalk,

   ut ak wank chire li kabʼl,

   ak xseebʼank ut nachʼ chiqu wank!