Sambu na Nki Bambangi ya Yehowa Ke Solulaka ti Bantu Yina Kele Dezia ti Dibundu na Bo?
Beto me bakisaka nde bantu mingi yina ke vandaka dezia ti dibundu na bo, ke zolaka kusolula masolo ya Biblia. Ya kieleka, beto ke zitisaka balukwikilu ya bantu yina me swaswana ti ya beto, mpi beto ke pusaka ve bantu na kundima nsangu na beto na ngolo.
Ntangu beto ke solulaka mambu ya Nzambi ti bantu, beto ke salaka ngolo na kusadila bandongisila ya Biblia sambu na kusolula ti bo na “mawete” mpi na “luzitu ya mudindu.” (1 Piere 3:15) Beto ke zabaka nde bantu ya nkaka ta buya nsangu na beto. (Matayo 10:14) Kansi, beto ke zabaka ve mabanza ya bantu kana beto me solula ntete ve ti bo. Beto ke zabaka mpi nde mambu ya bantu ke sobaka.
Mu mbandu, muntu mosi lenda vanda ti kisalu kilumbu yina beto me kwenda kusolula ti yandi kansi yandi lenda ndima kusolula ti beto kilumbu ya nkaka. Diaka, bantu lenda kutana ti mambu ya nkaka mpi yo pusa bo na kundima nsangu ya Biblia. Yo yina, beto ke salaka bikesa ya kusolula ti bantu mbala na mbala.
Nge Lenda Sepela Mpi Ti
BANGIUFULA YINA BANTU KE YULAKA MINGI
Keti Bambangi ya Yehowa Ke Pusaka Bantu na Kusoba Dibundu?
Keti Bambangi ya Yehowa ke pusaka bantu na kusoba dibundu na nzila ya kisalu ya kulonga nsangu ya mbote ya bo ke salaka? Keti bo ke sosaka kupusa bantu ya nkaka na kusoba dibundu?
BANGIUFULA YINA BANTU KE YULAKA MINGI
Sambu na nki Bambangi ya Yehowa Ke Kwendaka Diaka Kutala Bantu Yina Tubaka nde “Mono Ke Sepelaka Ve ti Mambu na Beno”?
Bikuma ya ke pusaka bo me sobaka ve.
BAMVUTU NA BANGIUFULA YA BIBLIA
Keti Mabundu Yonso Kele Mutindu Mosi? Keti Yo Yonso Ke Nataka na Nzambi?
Mambu zole ya Biblia ke tubaka ke pesa mvutu.
BANGOGO YA KUKOTILA NA MASOLO NA KISALU YA KUSAMUNA
Bambangi ya Yehowa Kele Banani?
Bantu mingi ke vandaka na mfunu ya kuzaba kana Bambangi ya Yehowa kele kibeni banani. Baka mbala mosi bamvutu na bo mosi.
MAMBU YA ME TALA BETO
Lomba nde Mbangi Mosi ya Yehowa Kukwisa Kutala Nge
Tadila ngiufula mosi ya Biblia, to sosa kuzaba mambu mingi na yina me tala Bambangi ya Yehowa.