Keti Bambangi ya Yehowa Ke Vandaka Bantu ya Misioni?

TALA NA

Ve. Bambangi ya Yehowa kele Bakristu. Beto ke kudimonaka ve bonso nde beto kele bantu ya Misioni. Sambu na nki?

Dibundu ya Misioni kele “dibundu yina ke teleminaka Dibundu ya Katolika.” Yo kele diambu ya kieleka nde, Bambangi ya Yehowa ke ndimaka ve malongi ya Dibundu ya Katolika. Ata mpidina, beto ke kuditadilaka ve bonso bantu ya dibundu ya Misioni sambu na bikuma yai:

Malongi mingi ya Dibundu ya Misioni ke wakanaka ve ti yina Biblia ke longaka kibeni. Mu mbandu, Biblia ke longaka nde “Nzambi kele kaka mosi,” kansi ve nde yandi kele butatu busantu. (1 Timoteo 2:5; Yoane 14:28) Biblia ke tubaka pwelele nde, ndola yina Nzambi ke pesaka bantu ya mbi kele ve bilungi ya tiya, kansi lufwa ya mvula na mvula.—Nkunga 37:9; 2 Batesalonika 1:9.
Beto ke telamanika ve Dibundu ya Katolika to mabundu ya nkaka. Beto ke longaka nsangu ya mbote ya Kimfumu ya Nzambi, mpi beto ke zolaka kusadisa bantu na kundima nsangu yango. (Matayo 24:14; 28:19, 20) Lukanu na beto ke vandaka ya kulonga bantu ya ntima ya masonga kieleka na yina me tala Nzambi mpi Ndinga na yandi Biblia, kansi ve ya kupusa mabundu ya nkaka na kusoba.—Bakolosai 1:9, 10; 2 Timoteo 2:24, 25.