Beto ke zitisaka dibanza ya Biblia ya me tala makwela mpi kufwa makwela. Nzambi salaka makwela sambu yo vanda kimvuka ya kimakulu na kati ya bakala mosi mpi nkento mosi. Masonuku ke pesa nzila ya kufwa makwela kaka kana nkwelani mosi me sala bizumba.​—Matayo 19:​5, 6, 9.

 Ee, na mitindu mingi:

•   Mikanda. Mikanda yai ke tubilaka mbala na mbala malongi yina lenda kumisa makwela ngolo, ata nkutu makwela yina me beba ngolo kibeni. Mu mbandu, tala masolo yai: “Tenir son engagement envers son conjoint,” “Comment pardonner,” mpi “Comment rétablir la confiance entre conjoints.”

•   Balukutakanu. Beto ke tubilaka bandongisila ya mbote ya Biblia yina ke tadila makwela; beto ke tubilaka yo na balukutakanu na beto ya dibundu, ya nene, mpi ya distrike.

•   Bankuluntu. Bankuluntu ya mabundu ke sadisaka bankwelani mosi-mosi, bo ke bendaka dikebi na bo na baverse bonso Baefezo 5:22-25.

 Ve. Ata ntangu bo ke lombaka bankuluntu na kusadisa bankwelani yina ke kutana ti bampasi na makwela na bo, bankuluntu ke vandaka ve ti nswa ya kusonga bankwelani mambu yina bo fwete sala. (Bagalatia 6:5) Kansi, muntu yina me fwa makwela sambu na kikuma yina kele ve na Biblia, bo ke pesaka yandi ve mikumba na dibundu mpi yandi kele ve na kimpwanza ya kukwela diaka.​—1 Timoteo 3:1, 5, 12.

 Biblia ke siamisa bankwelani na kubikala kumosi ata na bantangu ya mpasi. (1 Bakorinto 7:10-16) Bankwelani lenda manisa mambu mingi kana bo ke samba na masonga yonso, kana bo ke sadila minsiku ya Biblia, mpi kana bo ke zolana.​—1 Bakorinto 13:4-8; Bagalatia 5:22.

 Kansi, kana bo ke kutana ti mambu mpasi kuluta bonso yai ya kele na nsi, Bakristu ya nkaka me bakaka lukanu ya kukabwana ti nkwelani na bo:

•   Kubuya kulungisa bampusa ya dibuta na luzolo yonso.​—1 Timoteo 5:8.

•   Kana bakala to nkento na yandi ke bula yandi ngolo kibeni.​—Nkunga 11:5.

•   Kana bakala to nkento na yandi ke tula kimpeve na yandi na kigonsa. Mu mbandu, nkwelani lenda pusa nkwelani yina kele Mbangi na kufwa nsiku ya Nzambi, mpi nkwelani yina bo ke niokula lenda mona nde kukabwana kele mutindu mosi kaka ya yandi lenda ‘lemfukila Nzambi bonso mfumu na kisika ya kulemfukila bantu.’​—Bisalu 5:29.