Ve, bo ta pusa nge ve ata fioti na ngolo. Bantu mingi ke sepelaka ti manaka na beto ya kulonguka ata bo ke kumaka ve Bambangi ya Yehowa. a Lukanu ya manaka na beto kele ya kuzabisa nge mambu yina Biblia ke longaka. Nge mosi fwete pona mambu yina nge ta sala ti nzayilu yina nge kele na yo. Beto ke zabaka nde lukwikilu kele diambu mosi ya me tala konso muntu.​—Yozue 24:15.

 Ee. Ata beto ke sepelaka kusadila Biblia​—Mbalula ya Nsi-Ntoto ya Mpa ya bilumbu yai mpi ata beto ta pesa nge Biblia mosi ya ofele kana nge ta zola, beto ta vanda na kiese kana nge ke sadila Biblia na nge mosi. Nge lenda longuka nsangu ya Biblia yina ke pesa kivuvu mpi luguluku na konso mbalula yina.

•   Kima ya ntete ya ke pusa beto na kusala yo kele zola sambu na Yehowa Nzambi, yina ke zolaka nde Bakristu kulonga bantu ya nkaka mambu yina bo me longukaka. (Matayo 22:37, 38; 28:19, 20) Beto ke bakisaka nde kuvanda “banduku ya kisalu ya Nzambi” sambu na kusadisa bantu na kulonguka mambu yina Ndinga na yandi ke longaka kele dibaku ya nene kibeni.​—1 Bakorinto 3:6-9.

•   Kima ya nkaka ya ke pusaka beto kele zola sambu na nkweno. (Matayo 22:39) Beto ke sepelaka kuzabisa bantu ya nkaka mambu ya mbote yina beto me longukaka.​—Bisalu 20:35.