Tumikanda ya Bansangu Sambu na Bantu Yonso
Bambangi ya Yehowa-Bo Kele Banani?
Mambu ya mfunu ya kuzaba sambu na Bambangi ya Yehowa—inki bo ke salaka mpi inki mutindu bo me kudibongisaka?
Bambangi ya Yehowa mpi Mikanda na Bo
Mikanda ya Bambangi ya Yehowa, yo vanda ya papie to yina bantu lenda tanga na Internet, ke sadisaka bantu na kupusana pene-pene ya Nzambi mpi na kuzaba mbote-mbote malongi ya Biblia. Mikanda yango ke natilaka mpi bantu yina ke tangaka yo mambote sambu yo ke sadisaka bo na kutomisa luzingu na bo.
Bambangi ya Yehowa na Bisika ya Bo Ke Zingaka
Bambangi ya Yehowa ke salaka yonso sambu na kusala mambu ya mbote na bisika yina bo ke zingaka. Bo ke songaka bantu ya ke zingaka pene-pene ti bo malongi ya Biblia mpi bo ke sadisaka bo.
Bambangi ya Yehowa mpi Kisalu na Bo ya Kulonga Bantu
Kulonga bantu ya nkaka nsangu ya mbote ya kele na Biblia kele na kati ya mambu ya mfunu yina Bambangi ya Yehowa ke salaka na lusambu na bo. Inki bametode bo ke sadilaka mpi inki mambote kisalu na bo ya kulonga ke natilaka bantu yina ke zingaka kisika mosi ti bo?
Bambangi ya Yehowa mpi Luzingu ya Dibuta
Bambangi ya Yehowa ke salaka bikesa sambu na kusadila minsiku ya Biblia na mabuta na bo. Minsiku yango ke natilaka bakala, nkento mpi bana mambote. Yo ke salaka nde dibuta kuvanda kisika yina bantu ke zolana mpi yina bo kele na lutaninu. Bibuti ke monaka nde kulonga bana na bo bansiku ya Biblia kele mukumba mosi ya kubaka ve na nsaka.
Bangiufula Yina Bantu Ke Yulaka Mingi Sambu na Bambangi ya Yehowa
Bamvutu na bangiufula kumi yina bantu ke yulaka mingi na yina me tala Bambangi ya Yehowa.
Mutindu Bambangi ya Yehowa Ke Tadilaka Mambu ya Sante
Bambangi ya Yehowa ke monaka nde luzingu kele dikabu ya mfunu ya me katukaka na Nzambi. Sambu na bo, luzingu mpi menga kele santu. Bo ke sosaka balusansu ya mbote kuluta sambu na mabuta na bo, mpi bo ke vandaka na kiese ya kusala na bumosi ti minganga sambu na kusadila mayele ya nkaka ya mbote mpi ya me fwana na kisika ya kusadila menga.
Bambangi ya Yehowa mpi Kisalu ya Nkaka na Kisika ya Kisalu ya Kisoda
Nsiku ya ntoto ya mvimba ke ndimaka banda ntama nde kana kansansa ya muntu ke buyisa yandi na kusala kisalu mosi buna, yo kele nswa ya ntete yina konso muntu kele ti yo. Bambangi ya Yehowa ke pesaka mersi na baluyalu yina ke zitisaka bansiku ya ntoto ya mvimba yina bansi me tulaka mpi mutindu balulyalu yango ke pesaka bantu bisalu ya nkaka na kisika ya kisalu ya kisoda. Kansi kisalu yango ya nkaka fwete vanda ve bonso ndola. Yo fwete vanda kisalu yina ke natilaka bantu mambote.
Bambangi ya Yehowa mpi Kukonda Kukota na Mambu ya Politiki
Na kuwakana ti malongi ya Biblia, Bambangi ya Yehowa ke kotaka ve na mambu ya politiki. Baluyalu mingi ke monaka nde mutindu Bambangi ya Yehowa ke kotaka ve na mambu ya politiki, yo ke salaka nde ngemba kuvanda na bansi. Baluyalu ke ndimaka nde Bambangi ya Yehowa ke zitisaka bansiku mpi bamfumu ya leta, mpi nde Bambangi ya Yehowa ke wakanaka mbote ti bo.
Bambangi ya Yehowa mpi Balukutakanu na Bo
Bambangi ya Yehowa ke tadilaka kuvukana kisika mosi ti bampangi na bo Bambangi ya Yehowa ya nkaka bonso kima mosi ya mfunu mingi sambu na lukwikilu na bo. Mbala mingi, bo ke vukanaka na banzo yina bo ke bingaka Banzo ya Kimfumu. Kuna bo ke longukaka malongi ya kele na Biblia. Bantu yonso lenda kwenda kuvukana ti bo.
Bambangi ya Yehowa mpi Kisalu ya Kusadisa Bantu ya Me Bwila Bisumbula
Kana kisumbula ya lugangu me salama, Bambangi ya Yehowa ke sadisaka nswalu bantu yina kele ti mfunu ya lusadisu ya kinsuni, ya mabanza mpi ya kimpeve. Bamfumu ya leta mpi bimvuka yina bantu ke sadilaka sambu na kusadisa bantu yina me bwila bisumbula ke ndimaka nde mambu ya Bambangi ya Yehowa ke vandaka ya kuyidika mbote.
Bambangi ya Yehowa mpi Kisalu na Bo ya Kulonga Bantu na Baboloko
Na kisalu na bo ya kulonga bantu Biblia na ntoto ya mvimba, Bambangi ya Yehowa ke kwendaka kutala bantu yina kele na baboloko bayina ke zolaka kulonguka Biblia. Bantu ya boloko mpi bamfumu ya boloko ke tubaka mambu ya bo ke yindulaka sambu na malongi ya Biblia yina Bambangi ya Yehowa ke longaka bantu ya boloko.
Taganrog LRO ti Bankaka Kontre Russie
Yai kele bunkufi ya lukanu yina Tribinale ya Eropa ya Ke Tadilaka Banswa ya Bantu bakaka na mambu ya me tala Taganrog LRO ti Bankaka Kontre Russie, yina zengaka nde lukanu yina Russie bakaka sambu na kubuyisa mambu ya Bambangi ya Yehowa na Russie ke fwa bansiku.