Yai kele bunkufi ya lukanu yina Tribinale ya Eropa ya Ke Tadilaka Banswa ya Bantu bakaka na mambu ya me tala Taganrog LRO ti Bankaka Kontre Russie, yina zengaka nde lukanu yina Russie bakaka sambu na kubuyisa mambu ya Bambangi ya Yehowa na Russie ke fwa bansiku. Tribinale buyaka mambu yina bamfumu fundilaka Bambangi ya Yehowa sambu na mambu mingi mu mbandu, bangwisana na bo ti bantu ya nkaka, mambu ya kele na mikanda na bo, ntangu yina bo ke bakaka sambu na kusala mambu ya lusambu na bo, balusansu yina bo ke ponaka, balukanu ya bibuti na yina me tala mambu ya kulonga bana na bo mpi mambu yina bo ke pesaka bana na bo nswa ya kusala, bangwisana yina bo kele ti yo ti bantu ya mabuta na bo ya kele ve Bambangi ya Yehowa, mpi kisalu na bo ya kulonga bantu. Tribinale zengaka nde mambu yina ke fwa ve nsiku, mpi kimpwanza na yina me tala dibundu, mambu ya kutuba mpi kuvukana ti bantu ya nkaka ke taninaka mambu yango.