Lukutakanu yina salamaka na 1922 na Cedar Point na provense ya Ohio na États-Unis, kele lukutakanu ya mfunu mingi sambu na Bambangi ya Yehowa. Na lukutakanu yango mpangi Joseph Rutherford lombaka bantu yonso ya vandaka pana na kulonga nsangu ya Kimfumu.

Lukutakanu yango vandaka mpi mfunu sambu na kikuma ya nkaka: bo vandaka ku filmer yo. Tii bubu yai beto me zwaka ve ata kopi mosi ya filme yango.

Foto mosi ya bo bakaka na lukutakanu yai ya bansi mingi na septembre 1922 ke monisa estrade mosi yina bo tulaka kamera sambu na ku filmer bitini ya lukutakanu yai ya mfunu. Na ntangu yina ku filmer vandaka ntete kima ya mpa na teknolozi.

Yo ke monana nde bantu mingi talaka filme ya lukutakanu yango. Mu mbandu zulunalu mosi tubilaka mpi filme yai. Zulunalu yango vandaka kutuba nde: “Beno tala Lukutakanu na Banzo na beno. Beno tala Banduku na beno mpi beno tala diskure ya Mbotika.” Yo vandaka kutubila mpi mutindu yai ya kulonga nsangu ya mbote: “Beno bingisa bantu yina ke zingaka pene-pene ti beno mpi beno longa bo nsangu ya mbote na nsadisa ya filme ya. Beno lomba yo sesepi.”

Kana beno me zwa kopi mosi ya filme yai, beto ke lomba beno na kusonikila Departema ya Ke Talaka ba Musée na adresi yai MuseumDonations@jw.org to na kusonikila Babiro ya Ke Twadisaka Kisalu ya Bambangi ya Yehowa na Ntoto ya Mvimba na adresi yai 1 Kings Drive, Tuxedo Park, NY 10987. Beto ke tula ntima nde beto ta zwa kopi ya filme ya lukutakanu yai ya mfunu ya istware ya Bambangi ya Yehowa.