Na Lumingu, Marsi 3, 2019, mipepe ya ngolo ya bo ke bingaka Tornade bebisaka bisika ya nkaka ya Alabama, ya Floride mpi ya Géorgie. Bantu 23 fwaka mpi bantu mingi lwalaka.

Betele ya États-Unis tubaka nde ata mpangi na beto mosi ve fwaka. Kansi mpangi na beto mosi ya nkento yina ke zingaka na Fort Valley na Géorgie lwalaka ntangu mupepe ya ngolo bebisaka nzo na yandi. Bo ke sansa yandi na lupitalu mosi ya bwala yina. Betele tubaka diaka nde banzo ya bampangi sambanu bebaka mpi banzo ya bampangi ya nkaka iya bukanaka yo yonso. Bankengi ya nziunga twadisaka mambu mpi bampangi pesaka madia, bilele mpi bisika ya kulala na bampangi yina bwilaka mpasi yai. Bankuluntu ya bwala yina ke sadisa mpi bampangi na kimpeve.

Beto ke samba sambu bampangi na beto ya kele na bwala yina mpi ya bwilaka mpasi yai kubaka kikesa na mukapu ya mvu 2019, ya ke tuba nde: “Kudiyangisa ve, sambu mono kele Nzambi na nge.”—Yezaya 41:10.