Esti ya États-Unis

• Isaias kele zina ya mupepe mosi ya ngolo (catégorie 1). Yo bulaka na Caroline na Augusti 3, 2020

• Mupepe yango nataka mipepe mingi ya nkaka ya ngolo ntangu yo vandaka kupusana na Esti ya États-Unis. Yo bebisaka bima mpi yo zengaka kura

• Mpangi-nkento mosi lwalaka

• Mabuta 12 yambulaka banzo na bo sambu na mwa ntangu

• Banzo 55 ya bampangi na beto bebaka ngolo ve

• Banzo 31 bebaka ngolo

• Bakamio mingi bebaka

• Banzo ya Kimfumu tanu bebaka ngolo ve

• Bankengi ya nziunga mpi bankuluntu ya mabundu yina kele na bisika yina mupepe yango bulaka vandaka kupesa bampangi ya bisika yina kikesa mpi kusadisa bo. Bo vandaka kuzitisa bansiku na yina me tala kuditanina na maladi ya coronavirus

Beto kele na kiese sambu Yehowa ke landa kusadisa bampangi na beto ya babakala mpi ya bankento yina ke zingaka na bisika yina mipepe yina ya ngolo bulaka. Beto ke vingila ti nzala ya ngolo kilumbu yina “boma ya mpasi” ya bisumbula ya lugangu ta vanda diaka ve.—Bingana 1:33.