Provense ya Arkansas, ya Mississippi, ya Louisiane mpi ya Texas

• Na Augusti 27, 2020, mupepe ya ngolo ya bo ke binga Laura bebisaka bima mingi na westi ya provense ya Louisiane mpi yo zengaka kura.

• Beto kele na mawa ya kuzabisa beno nde mpangi-nkento mosi ya mununu fwaka ntangu bo vandaka kubasisa yandi na lupitalu

• Mpangi-nkento ya nkaka lwalaka fioti

• Bampangi 3 992 ya ke longaka nsangu ya mbote (bansamuni) katukaka na banzo na bo sambu na mwa ntangu

• Banzo 10 ya bampangi na beto bebaka

• Banzo 95 mpi Banzo ya Kimfumu 4 bebaka ngolo

• Banzo 192 mpi Banzo ya Kimfumu 16 bebaka ve ngolo

• Betele ya États-Unis tulaka Komite ya Ke Pesaka Lusadisu na Bantu Yina Me Bwila Mpasi

• Bankengi ya nziunga ti bankuluntu ya bisika yina mupepe bebisaka bima ke landa kusadisa bampangi yina katukaka na banzo na bo na kuzwa bisika ya mbote ya kulala

• Bampangi ya baprovense ya nziunga yambaka na banzo na bo bampangi yina bwilaka mpasi mpi bikaka banzo na bo. Ata mpidina, bo yonso vandaka kulemfuka na bansiku ya kuditanina na maladi ya coronavirus. Mpangi-bakala mosi ya katukaka na kisika yina mupepe ya ngolo bebisaka bima tubaka nde: “Beto monaka lusakumunu ya Yehowa na mambu yai yonso!”

Bampangi yina katukaka na bisika yina mupepe bebisaka bima monisaka nde ‘bo kele bansadi ya Nzambi,’ sambu bo vandaka kulemfuka na mambu yina bo vandaka kusonga bo mpi sambu bo vandaka kusadisa bantu ya nkaka na ntangu yina ya mpasi.—2 Bakorinto 6:4.