Provense ya Alabama, ya Floride mpi ya Mississippi

• Na Septembri 16, 2020, mupepe ya ngolo bulaka na provense ya Alabama. Yo nataka mvula ya ngolo yina fulusaka masa mingi na ntangu fioti mpamba

• Mipepe ya ngolo bebisaka kibeni bima mpi yo salaka nde bantu mingi kuvanda ve ti kura sambu na mwa ntangu

• Bampangi 240 ya ke longaka nsangu ya mbote (bansamuni) yambulaka banzo na bo

• Nsamuni mosi lwalaka ngolo ve

• Banzo 143 mpi Banzo ya Kimfumu 11 bebaka ngolo ve

• Banzo 12 mpi Nzo mosi ya Kimfumu bebaka ngolo kibeni

• Bakomite zole ya Ke Pesaka Lusadisu na Bantu Yina Me Bwila Mpasi ke sala ti bankengi ya nziunga mpi bankuluntu ya bisika yina masa fulukaka sambu na kusadisa bampangi ya babakala mpi ya bankento yina mpasi yai me bwila. Bo ke sadisa bo na kinsuni mpi na kimpeve. Bampangi yai ke sala mpi bikesa sambu na kuzitisa bansiku ya kuditanina na maladi ya coronavirus

Mpangi-nkento mosi tubaka nde yandi kudiyangisaka mingi kibeni ntangu mupepe yina ya ngolo zenganaka. Kansi na nima ya kubaka nswalu lusadisu ya bampangi ya dibundu, yandi tubaka ti kiese yonso nde: “Ntangu yai mono ke pesa matondo mingi sambu na zola mpi lusadisu yina bampangi pesaka mono.”—1 Yoane 3:18.