NEW YORK—Na Augusti 3, 2016, Bambangi ya Yehowa manisaka kuteka babiro na bo ya nene ya ntama, yina vandaka na 25/30 Columbia Heights na Brooklyn, na mbanza New York. Bo tekaka yo na bakompani yai, Kushner Companies mpi LIVWRK. Kuteka yai kele kitambi ya nene sambu bo nata babiro na bo ya nene na kisika ya mpa yina bo me tunga mbote na Warwick, na mbanza New York.

Kisika yai kele nene mpi nda kiteso ya bametre 68 154 mpi yo kele na kati-kati ya bakartie tatu ya me zabanaka mingi ya New York: Brooklyn Heights, Fulton Ferry, mpi Dumbo. Bo ke teka mpi banzo tatu ya nkaka yina kele ya kukangama ti 25/30 Columbia Heights: nzo ya kele na 50 Columbia Heights, yina kele na 58 Columbia Heights, mpi yina kele na 55 Furman Street. Bo me tungaka banzo yai yonso na ntwala nde bo tunga pont ya Brooklyn.

Na ntama, 25/30 Columbia Heights vandaka ya kompani mosi, société pharmaceutique Squibb & Sons, mpi bubu yo me vukanaka ti société Bristol-Myers Squibb. Ntangu mpi temperature yina bo ke songaka na zulu ya ludi ya 30 Columbia Heights kele na kati ya bima ya kitoko ya Brooklyn banda bamvula mingi, mpi bisono “Watchtower,” yina me yingaka bisono “Squibb,” ke monanaka na zulu ya banzo yina banda Bambangi ya Yehowa me sumbaka yo na mvu 1969. Richard Devine, mumonisi ya Bambangi ya Yehowa, ke tendula balukanu ya ntete-ntete ya bo sumbilaka banzo yai: “Beto vandaka ti mfunu ya kisika ya nene sambu bisalu na beto vandaka kukuma mingi nswalu, mpi beto vandaka kuzola nde babiro na beto yonso kuvanda kisika mosi, sambu na ntangu yina yo vandaka ntete na banzo mingi na Brooklyn.”

David A. Semonian, mumonisi ya Bambangi ya Yehowa na babiro na bo ya nene, ke tuba nde: “Banzo yina kele na 25/30 Columbia Heights ta vandaka ntangu yonso na kati ya kimvwama na beto kumosi ti disolo na beto ya kitoko na Brooklyn.”

Contacts de presse:

David A. Semonian, Office of Public Information, 1-718-560-5000