Na ngonda ya Februari 2018, bamvula ya ngolo vandaka kunoka mpi baneze vandaka kubwa. Yo salaka nde masa kufuluka na centre ya États-Unis. Bampangi na beto ya ke zingaka na bisika ya nkaka ya Illinois, ya Indiana, ya Kentucky, ya Michigan, ya Ohio mpi ya Tennessee kele na kati ya bantu yina kisumbula yai natilaka bampasi.

Betele ya Bambangi ya Yehowa ya États-Unis ke monisa nde Bampangi 20 ya kele na banziunga nana katukaka na banzo na bo. Kansi, beto kele na mawa sambu mpangi-nkento mosi ya Indiana fwaka ntangu bamvula yina ya ngolo vandaka kunoka na ntwala nde masa kufuluka. Banzo 57 ya Bambangi ya Yehowa bebaka.

Bampangi yina ke kwendaka kutambula na babwala sambu na kusadisa bampangi na malongi ke pesa bampangi yonso ya ke longaka nsangu ya mbote mpi ya bwilaka mpasi yai kikesa. Beto ke landa kusamba sambu na bampangi na beto mpi beto ke ndima nde Yehowa ta manisa basusi yonso ya bo kele ti yo.—1 Piere 5:7.

Nimero ya mimwangi-nsangu:

David A. Semonian, Office of Public Information, +1-845-524-3000