Na Lumingu Marsi 10, avio mosi ya kompani mosi na zina ya Ethiopian Arlines salaka kisumbula ntangu yo vandaka kusala nzietelo. Yo katukaka na kisika yina baavio ke bwaka mpi ke pumbukaka (aeropore) ya mbanza Addis Abeba, nto-mbanza ya insi ya Éthiopie. Bantu 157 vandaka na kati ya avio yina. Bo yonso fwaka.

Diambu ya mawa kele nde, mpangi na beto mosi ya nkento kele na kati ya bantu yina fwaka. Yo kele mpangi Rosemary Mumbi. Mpangi Mumbi vandaka ti bamvula 66; yandi vandaka mupasudi-nzila ya dibundu mosi ya ke salaka balukutakanu na ndinga ya Kingelesi na Manzoni, na Roma na insi Italie.

Lufwa ya kukonda kukana ya mpangi na beto yai me pesa beto mpasi mingi kibeni. Beto ke vingila ti nzala ya ngolo ntangu yina Yehowa ta futumuna bantu. Na ntangu yina, beto ta mona diaka bansadi ya kwikama ya Yehowa, mu mbandu mpangi Mumbi. (Kusonga 20:13)