Na Kitatu 13 avril 2022, bamvula ya ngolo nokaka na provense ya Kwazulu-Natal na Afrique du Sud. Yo fwaka bantu mingi mpi yo bebisaka bima mingi. Na bisika ya nkaka, masa ya mvula fulukaka tii na ba millimètres 300 na bangunga 24 mpamba. Yo salaka nde na bisika mingi bantu kukonda kura mpi masa ya kunwa. Yo bebisaka mpenza banzila mingi.

• Ata mpangi mosi ve ya bakala to ya nkento fwaka

• Mwana mosi ya nkento ya mpangi-nkento mosi lwalaka fioti ntangu kibaka ya nzo bwilaka yandi

• Mpangi-bakala mosi lwalaka fioti ntangu nzo na yandi bwaka

• Banzo 27 bwaka

• Banzo 102 bebaka

• Bampangi kiteso ya 87 ya ke longaka nsangu ya mbote (bansamuni) tinaka banzo na bo

• Banzo ya Kimfumu 2 bebaka fioti

• Bo ponaka Komite ya Ke Pesaka Lusadisu na Bantu Yina Me Bwila Mpasi sambu na kutwadisa kisalu ya kusadisa bantu

• Bankengi ya nziunga mpi bankuluntu kele na kusadisa bampangi yina kele na mfunu ya lusadisu

• Bo kele na kusala bisalu yonso ya kusadisa bantu na kulanda bansiku ya kuditanina na maladi ya coronavirus

Beto ke ndima nde Yehowa ta landa kusadisa bampangi na beto yina ke kutana ti bampasi yina bamvula yai ya ngolo me natila bo na ntangu yai ya beto ke vingila balusakumunu ya mvula na mvula yina yandi me silaka beto.—2 Bakorinto 4:18.