Biro ya Ke Twadisaka Kisalu ya Kutunga (LDC) na Afrique du sud ta manisa ntama mingi ve kuyidika babiro na Durban; bampangi ya ke balulaka mikanda na Ndinga ya Bidimbu ya Afrique du sud (SASL) bantu ta sadilaka babiro yina ya mpa. Betele sumbaka nzo yina na mars 2020; na nima bo sumbaka banzo yina vandaka pene-pene. Bampangi ya ke balulaka mikanda mpi bavideo ta banda kukota na banzo yina na mai 2022.

Babiro yina ya kubalula mikanda mpi bavideo kele ti bampangi ya Betele 17 mpi bavolontere 25 yina ke sadilaka kisalu na banzo na bo na bantangu na bo. Kisika yai ya mpa ta sadisa bo na kubalula mikanda ya mbote kibeni sambu na bansamuni ya me fwaka makutu to bababa 283 ya Afrique du sud mpi sambu na bantu ya me fwaka makutu mpi bababa 450 000 ya ke zingaka na insi yai. Bantu mingi ya me fwaka makutu mpi to bababa mingi ya Afrique du sud ke zingaka na Provense ya Kwazulu-Natal. Durban kele mbanza ya kuluta nene na provense yai.

Mpangi Sibusiso Mzizi, yina ke salaka na kimvuka ya kubalula mikanda na Ndinga ya Bidimbu ya Afrique du sud, ke tuba nde: “Beto ke ndima nde babiro yai ya mpa ta sadisa mingi teritware ya Ndinga ya Bidimbu ya Afrique du sud mpi ta kumisa mabundu ngolo.”

Beto ke pesa Yehowa mersi mutindu yandi ke sakumuna bikesa ya beto ke sala na Ndinga ya Bidimbu ya Afrique du sud mpi sambu kisalu yai kukwenda na ntwala.—Nkunga 127:1.