Na Kizole 15 février 2022, mvula mosi ya ngolo nokaka mpi yo bukaka ntoto na mbanza Petrópolis na provense ya Rio de Janeiro na insi Brésil. Mbanza yai ke vandaka na zulu ya ngumba. Yo bebisaka banzo mpi bisika yina bantu ke salaka mumbongo. Mvula yina nokaka bangunga 24.

• Mpangi mosi ya bakala lwalaka mingi mpi bo nataka yandi na lupitalu. Na mawa yonso, mwana na yandi ya bakala ya bamvula zole fwaka ntangu poto-poto ya mvula nataka yandi

• Mpangi ya nkaka ya bakala fwaka

• Bo nataka bansamuni 86 kisika ya nkaka

• Banzo zole bebaka

• Banzo 15 bebaka ngolo

• Banzo zole ya Kimfumu bebaka ve ngolo

• Bo tulaka Komite mosi ya Ke Pesaka Lusadisu na Bantu Yina Me Bwila Mpasi sambu na kutwadisa bisalu

• Nkengi ya nziunga mpi bankuluntu ya dibundu ke pesa bampangi yina me bwila mpasi madia, masa, bilele mpi kikesa na kimpeve

• Bampangi-babakala mpi bankento yina katukaka na bisika yina bo vandaka mpi kwendaka kuzinga bisika ya nkaka kele ti bampangi na bo ya dibuta to Bambangi ya Yehowa ya nkaka

• Bampangi ke zitisa bansiku yina ke salaka nde bantu kubaka ve COVID-19 ntangu bo ke sala bisalu yonso sambu na kusadisa bampangi ya nkaka

Beto ke samba sambu na bampangi na beto ya babakala mpi ya bankento yina me bwila mpasi yai mpi beto me zaba nde Yehowa ta ‘lembika bantima na bo mpi ta kumisa bo ngolo.’—2 Batesalonika 2:16, 17.