Bamvula ya ngolo salaka nde banzo kudinda mpi mabengi kupasuka na nordi-esti ya Brésil banda na Kitatu 25 mai 2022. Provense ya Alagoas mpi ya Pernambuc kele baprovense yina diambu yai salamaka mingi kuluta: na bambanza 42, mambu vandaka diaka ve kusalama mutindu yo ke salamaka (état d’urgence). Bo katulaka bantu kuluta 145 000 mpi bo nataka bo bisika ya nkaka. Bantu ya nkaka fwaka kana fioti 129.

• Ata mpangi mosi ve fwaka

• Bampangi 3 ya ke longaka nsangu ya mbote (bansamuni) lwalaka fioti

• Banzo 280 bebaka fioti

• Banzo 22 bebaka ngolo

• Banzo ya Kimfumu 23 bebaka fioti

• Nzo 1 ya Balukutakanu ya Nene bebaka ngolo

• Komite mosi ya Ke Sadisaka Bantu Yina Me Bwila Mpasi ke pesa bansamuni 600 bima ya mfunu ya luzingu mpi kikesa na kimpeve

• Bampangi ke zitisa bansiku na yina me tala kuditanina na maladi ya coronavirus ntangu bo ke sala bisalu yina yonso ya kusadisa bantu yina me bwila mpasi

Beto ke samba sambu bampangi na beto ya babakala mpi ya bankento yina bisumbula ya lugangu ke natila mpasi kulanda “kubaka ngolo na Mfumu.”—Baefezo 6:10.