Na 24 tii na 26 Décembre 2021, mvula ya mupepe ya ngolo bulaka na provense ya Bahia na Brésil. Yo natilaka bantu kuluta 640 000 bampasi ya mingi. Masa yina fulukaka bwisaka babarazi, yo fulukaka na bambanza mingi mpi bantu mingi tinaka bambanza yango.

• Ata mpangi mosi ve lwalaka

• Bansamuni 273 bikaka banzo na bo

• Banzo 109 bebaka mwa ndambu

• Banzo ya Kimfumu 3 bebaka mwa ndambu

• Komite ya Ke Pesaka Lusadisu na Bantu Yina Me Bwila Mpasi pesaka bampangi masa, madia mpi bilele

• Bampangi yina bikaka banzo na bo, kwendaka kuzinga sambu na mwa ntangu fioti na banzo ya bampangi na bo ya dibuta to ya bansamuni ya nkaka

• Bampangi yina kwisaka kusadisa bampangi ya me bwila mpasi, zitisaka bansiku ya me tala kuditanina na maladi ya COVID-19 ntangu bo vandaka kusadisa bampangi yina bwilaka mpasi

Mpangi Marcelo Ambrósio yina ke salaka na Komite ya Ke Pesaka Lusadisu na Bantu Yina Me Bwila Mpasi ke tuba nde: “Kumona mutindu bampangi ke monisilana zola ke pesa beto kikesa mpi yo ke pusa beto na kulanda kusadila Yehowa.”

Beto ke zaba nde Yehowa ta vanda “kisika ya mbote ya kubumbana” sambu na bampangi na beto yina kutanaka ti bampasi yina mvula ya mupepe ya ngolo nataka.—Nkunga 9:9.