Corée du Sud

• Nsungi ya bo ke bingaka été bakaka ntangu ya nda kibeni na Corée du Sud na mutindu mosi ya me salamaka ntete ve

• Mvula vandaka kunoka konso ntangu. Yo fulusaka masa mpi yo bukaka ntoto

• Bampangi 16 katukaka na banzo na bo sambu na mwa ntangu

• Banzo 30 bebaka

• Banzo ya Kimfumu 19 bebaka

• Betele ya Corée tulaka Bakomite tatu ya Ke Pesaka Lusadisu na Bantu Yina Me Bwila Mpasi

• Bakomite ya Ke Pesaka Lusadisu na Bantu Yina Me Bwila Mpasi ke sala ti bankengi ya nziunga mpi bankuluntu ya bisika yina masa fulukaka sambu na kusadisa bampangi na beto ya babakala mpi ya bankento

• Bisalu ya kutula bunkete mpi ya kuyidika banzo ti Banzo ya Kimfumu yina bebaka me yantika dezia

• Na mbanza Gurye, mosi na kati ya bambanza yina mvula nokaka mingi kibeni, mpangi-bakala Min-seong Lee ti nkento na yandi katukaka na nzo na bo mpi bo bikaka bima yonso ya bo vandaka ti yo. Nzo na bo dindaka yonso na masa. Ntangu bisalu ya kusadisa bantu yantikaka kusalama na lutaninu yonso, Komite ya Ke Pesaka Lusadisu na Bantu Yina Me Bwila Mpasi tindaka bampangi sambu na kuyobisa nzo ya mpangi Lee mpi bo pesaka mpangi Lee ti nkento na yandi bima ya mfunu yina lendaka kusadisa bo ntete. Bampangi ya ke salaka na Komite ya Ke Pesaka Lusadisu na Bantu Yina Me Bwila Mpasi tangilaka mpi mpangi Lee ti nkento na yandi baverse ya Biblia sambu na kupesa bo kikesa. Nkento ya mpangi Lee tubaka mambu yai sambu na lusadisu yina bo pesaka yandi ti bakala na yandi: “Mono ke pesa bampangi mersi mingi sambu na lusadisu na bo. Mambu yonso ya bo salaka vandaka kuyitukisa mpenza. Bo kudipesaka na kuyidikila beto nzo bonso nde yo vandaka nzo na bo. Ya kieleka, mono me vidisa bima mingi kansi na kutuba ya masonga mono me zwa bima mingi kuluta yina mono me vidisa.”

Beto kele na kiese sambu Yehowa, “Nzambi yina ke lembikaka bantu yonso,” ke landa kusadisa bampangi na beto ya Corée na ntangu yai ya mpasi.—2 Bakorinto 1:3, 4.