Banda na Kitanu 4 mars 2022, batiya ya ngolo yokaka baektare ya mfinda kiteso ya 24 000 mpi yo salaka nde bantu mingi kutina banzo na bo. Batiya yai bebisaka bima mingi kibeni na mutindu mosi ya yo me salamaka ntete ve na Corée du Sud.

• Bampangi 44 ya ke longaka nsangu ya mbote (bansamuni) yambulaka banzo na bo

• Nzo mosi bukanaka

• Bampangi ya ke longaka nsangu ya mbote yina katukaka na bisika yina tiya bebisaka zingaka sambu na mwa ntangu ti bampangi ya mabuta na bo to ti Bambangi ya Yehowa yina vandaka kuzinga na bisika yina tiya bebisaka ve bima

• Bo tulaka Komite mosi ya Ke Pesaka Lusadisu na Bantu Yina Me Bwila Mpasi sambu na kusadisa bantu yina tiya bebisaka bima na bo

• Bampangi ke sala bikesa ya kuzitisa bansiku ya kuditanina na maladi ya coronavirus ntangu bo ke sala bisalu yai yonso ya kusadisa bantu

Beto ke samba Yehowa sambu yandi sakumuna bikesa ya bampangi na beto ya babakala ti ya bankento yina ke monisa na ntangu yai ya mpasi nde bo kele banduku ya kieleka ya bampangi na bo.—Bingana 17:17.