Na kuwakana ti bansangu yina bo pesaka na radio, mvula ya ngolo na Inde fwaka bantu 169 na Westi ya Gujarat, Maharashtra, Karnataka mpi Kerala.

Yai banzikisa yina betele ya Inde pesaka ya ke monisa nde ata mpangi mosi ve fwaka to lwalaka na mvula yina ya ngolo.

Gujarat: Mvula ya ngolo bebisaka bima ya bansamuni 145 ya mbanza Vadodara. Kansi yo bebisaka ve biro ya kubalula mikanda ya Gujarati yina ke vandaka na Vadodara.

Maharashtra: Na Mumbai, mvula ya ngolo bebisaka banzo ya bampangi sambanu. Bansamuni 25 na mbanza Sangli yina kele kiteso ya bakilometre 378 na sudi-esti ya Mumbai kwendaka kuzinga kisika ya nkaka. Bampangi ya mbanza ya pene-pene pesaka bo lusadisu.

Karnataka: Mabuta ya bampangi sambanu katukaka kisika yina sambu na mvula ya ngolo. Betele ke vandaka na mbanza yai, kansi yo bebaka ve na mvula ya ngolo.

Kerala: Mabuta kiteso ya 100 kwendaka kuzinga ti bampangi ya nkaka sambu na mwa ntangu na kisika yina masa ya mvula kotaka ve. Komite ya Ke Pesaka Lusadisu na Bantu Yina Me Bwila Mpasi ke tadila diambu yai.

Betele ke twadisa kisalu ya kusadisa bampangi yina me kutana ti mpasi. Bankengi ya nziunga mpi bampangi yina ke salaka kisalu ya kutunga salaka ngolo sambu na kutadila mpi kusadisa bampangi na beto yina kutanaka ti bampasi. Bo pesaka bo bima yina bo vandaka na yo mfunu mumbandu, masa ya kunwa ya bunkete mpi kikesa na nzila ya Biblia.

Beto ke samba sambu Yehowa kulanda kusadisa bampangi na beto yina kutanaka ti mpasi ya mvula ya ngolo. Beto ke vingila ntangu yina bisumbula ya lugangu ta vanda diaka ve mpi bantu ta zinga na “ngemba ya mingi.”—Bankunga 37:11.