Na Yanuari 15, 2019, kiteso ya bantu 21 fwaka ntangu bambandi kotaka na otele mosi na Nairobi na Kenya. Otele yango vandaka ti babiro na kati.

Betele ya Kenya tubaka nde ata nsamuni mosi ve fwaka to lwalaka ntangu babandi yina kotaka na otele mpi vandaka kubula masasi. Sambu na kukuma na otele yango kisika mambu yai salamaka, nge fwete sala kiteso ya bakilometre nsambwadi kana nge me katuka na Betele. Bampangi mingi ya babakala mpi ya bankento ke salaka na otele yina. Ntangu babandi vandaka kubula masasi, bampangi nswambwadi vandaka ve na kisalu mpi bayina vandaka pana, bo basisaka. Bo lwalaka ve mpi bo bukanaka ve. Mpangi-bakala mpi mpangi-nkento mosi bumbanaka bangunga 12 na ntwala nde bo kwisa kubasisa bo.

Bankuluntu mpi bankengi ya nziunga ke pesa bansamuni yina mambu yai ke yangisa lusadisu ya kimpeve. Beto ke samba sambu Yehowa kulanda kulembika bampangi na beto na mambu ya mpasi yina me bwila bo.—2 Bakorinto 1:3, 4.