Na janvier 2022, bamvula ya ngolo dindisaka banzo ti bima, pasulaka mabengi mpi bukaka banzo na Antananarivo, nto-mbanza ya Madagascar. Yo ke monana nde bamvula yai ta landa kunoka.

• Ata mpangi mosi ve ya bakala to ya nkento lwalaka to fwaka

• Bampangi kiteso ya 693 ya ke longaka nsangu ya mbote (bansamuni) yambulaka banzo na bo

• Ata Nzo ya Kimfumu mosi ve bebaka

• Komite ya Filiale ponaka Komite ya Ke Pesaka Lusadisu na Bantu Yina Me Bwila Mpasi sambu na kutwadisa kisalu ya kusadisa bantu mpi kusala yo na kulanda bansiku ya kuditanina na maladi ya coronavirus

• Komite ya Ke Pesaka Lusadisu na Bantu Yina Me Bwila Mpasi, bankengi ya nziunga mpi bankuluntu ke sadisa bampangi na kulanda kukangama na Yehowa mpi ke pesa bo bima yina bo kele na yo mfunu. Mu mbandu, bo ke sosila bampangi banzo yina bo lenda lala sambu na mwa ntangu, bo ke pesa bo madia mpi bima ya nkaka ya mfunu

Beto ke ndima nde Yehowa ta landa kuvanda “kisika ya ngolo” sambu na bampangi na beto na ntangu yai ya mpasi.—Nkunga 31:2.