Provense ya Tamaulipas mpi ya Nuevo León na Mexique

• Mupepe ya ngolo ya bo ke binga Hanna, yina nsuka-nsuka ngolo na yo kitaka fioti, bulaka na nordi-esti ya Mexique na Yuli 26, 2020. Yo salaka nde masa kufuluka mingi kibeni

• Na provense ya Nuevo León, mabuta 14 katukaka na banzo na ntwala nkutu nde mupepe yina ya ngolo kubanda kubula

• Na mbanza Reynosa na provense ya Tamaulipas, bansamuni 100 yambulaka banzo na bo

• Banzo 21 bebaka na provense ya Nuevo León

• Banzo 117 bebaka na provense ya Tamaulipas

• Betele ya Amérique centrale tulaka Komite ya Ke Pesaka Lusadisu na Bantu Yina Me Bwila Mpasi

• Bankengi ya nziunga ti bankuluntu ya bisika yina mupepe bebisaka bima ke sala diboko na diboko sambu na kuyidika bisalu ya kutula bunkete mpi ya kutula bankisi sambu na kufwa bamikrobe (désinfection) na banzo yina masa fulukaka

• Na provense ya Nuevo León, bampangi na beto mingi yina katukaka na banzo na bo vutukaka diaka kuna

• Na provense ya Tamaulipas, mabundu ya kisika yai ke pesa madia mpi bilele na bantu yina me bwila mpasi yai

Beto ke pesa Yehowa mersi sambu ata mpangi na beto mosi ve lwalaka ntangu kisumbula yai salamaka. Bisalu yonso ya kusadisa bantu yina me bwila mpasi ke monisa nde Tata na beto ya zulu mpi bansadi na yandi ke vandaka ntangu yonso “lusadisu yina beto lenda baka kukonda mpasi na bantangu ya mpasi.”—Nkunga 46:1.