Na Aprili 25, 2019, Mupepe mosi ya ngolo na zina ya Kenneth bulaka na nordi ya Mozambique. Yo kele mupepe ya ngolo ya zole yina ke bula insi yai na nima ya mupepe ya ngolo ya ntete na zina ya Idai yina bebisaka dezia bima mingi na insi yai na ngonda ya Marsi. Mupepe ya ngolo yai ya zole me sala nde masa kufuluka, ntoto kubukana mpi yo bebisa banzo, banzila mpi yo sala nde mambu kukuma mpasi na kisika yai.

Na provense ya Cabo Delgado, bansamuni kele kiteso ya 300. Ata nsamuni mosi ve lwalaka to fwaka na mupepe yina ya ngolo. Kansi banzo 9 ya bansamuni bwaka mpi 16 bebaka. Katula yo, Nzo ya Kimfumu mosi bwaka mpi tatu bebaka. Nkengi ya nziunga ya kitini yina, mumonisi mosi ya bampangi yina ke salaka Kisalu ya Kutunga Banzo mpi bampangi zole ya Babiro ya Ke Balulaka Mikanda kwendaka kutala bampangi ya mabundu yonso yina bwilaka mpasi ya mupepe yai ya ngolo sambu na kupesa bo kikesa.

Beto ke samba sambu bampangi na beto ya kele na insi yai kulanda kutudila Yehowa ntima sambu yandi pesa bo kikesa mpi lusadisu ‘na bantangu yai ya mpasi.’—Nkunga 46:1.