Banda na Kintete 24 janvier tii na Kizole 25 janvier 2022, Mupepe ya Ngolo ya Bo Ke Binga Ana salaka nde masa ya mvula kudindisa banzo mpi nataka mipepe ya ngolo yina bebisaka bima mpi fwisaka bantu na Malawi mpi na Mozambique. Mupepe yai ya ngolo fwaka bantu mingi, bebisaka banzila mpi banzo ya bantu mingi. Mambu yai salaka nde bantu mingi kutina banzo na bo.

Malawi

• Mambu ya ke pesa mpasi kele nde mpangi na beto mosi, nkento na yandi yina vandaka ve Mbangi ya Yehowa fwaka ti bana na bo zole ya bamvula 3 mpi 5. Bwatu ya kwisaka kugulusa bo dindaka na masa

• Mpangi-nkento mosi mpi mwana mosi ya nkento ya bamvula 7, yina papa ti mama na yandi kele Bambangi ya Yehowa, lwalaka

• Bansamuni kiteso ya 1 000 tinaka banzo na bo

• Banzo ya Kimfumu 2 bebaka ngolo ve

• Banzo kiteso ya 100 bebaka ngolo

• Banzo kiteso ya 100 bwaka

Mozambique

• Ata mpangi mosi ve ya bakala to ya nkento fwaka

• Bampangi zole ya babakala lwalaka

• Bansamuni 281 yambulaka banzo na bo

• Banzo ya Kimfumu 3 bebaka ngolo ve

• Banzo ya Kimfumu 3 bebaka ngolo

• Banzo ya Kimfumu 3 bwaka

• Banzo 51 ya bampangi bebaka ngolo ve

• Banzo 96 ya bampangi bebaka ngolo

• Banzo 79 ya bampangi bwaka

• Bo salaka Bakomite ya Ke Sadisaka Bantu Yina Me Bwila Mpasi na bansi yina zole

• Bakomite ya Ke Sadisaka Bantu Yina Me Bwila Mpasi ke pesa bampangi madia, masa ya mbote ya kunwa mpi lusadisu ya nkaka

• Na bisalu yai yonso, bampangi ke zitisa bansiku yina bamfumu me tulaka sambu na kutanina bantu ya nkaka na maladi ya COVID-19

Beto ke ndima nde Yehowa ta pesa bampangi na beto yai yonso kikesa na ntangu yai ya mpasi.—Nkunga 46:1.