Na janvier 2021, Nto-Kimvuka pesaka luzayisu nde mukanda mpi kamukanda Zinga Mvula na Mvula! me basika. Bo me basisa mikanda yai sambu na kusolula ti bantu mambu ya Biblia. Yo ke sadisa beto na kulonguka mbote Biblia ti bantu.

Bo me yika bima ya nkaka na aplikasio JW Library sambu longi mpi longoki kusadila mbote kibeni mukanda yai mpi kamukanda na yo. Yo yina, baka ntangu ya kuyikama ti bima yina bo me yika na JW Library.

• Keti nge ke zola kusonga longoki na nge diambu mosi ya siki-siki ya kele na dilongi mosi? Bweta na zulu ya paragrafe ya beno kele sambu na kukangula mpi kumona bima ya kele na kati. Bweta kisika ya bo me sonika Partager sambu na kutinda lien ya ke nata na paragrafe yina.

• Keti nge ke zola kuwidikila lutangu ya paragrafe mosi buna ti longoki na nge? Bweta na paragrafe yango sambu na kukangula mpi kumona bima ya kele na kati. Bweta kisika bo me sonika Lire sambu na kubanda kuwidikila paragrafe yango.

• Mbala ya nkaka longoki na nge ke sadila mukanda ya papie kansi nge ke sadila mukanda ya apareyi. Keti nge ke zola kumona mutindu lutiti ya papie kele? Bweta kisika bo me sonika En savoir plus (kisika bidimbu ya matonsi tatu kele na diboko ya kitata na zulu), na nima pona kisika ya bo me sonika Mode Image. Kana nge ke zola kuvutuka na mukanda ya apareyi, pona kisika ya bo me sonika Mode Texte.

• Keti nge ke zola kusadisa longoki na nge na kutala mutindu yandi ke yela na nsadisa ya mukanda ya apareyi? Siamisa yandi na kusadila balupangu yina bo me yidikaka sambu na kusonika dati yina yandi me manisa dilongi mosi to sambu na kusonika lukanu mosi ya yandi me kuditudila. Yandi lenda tula mpi kidimbu na kalupangu yina kele na lweka ya kisika yina bo me sonika nde “Manaka na Nge ya Kutanga Biblia.”