Na Marsi 3, 2018, Bambangi ya Yehowa yantikaka kukabula na ntoto ya mvimba ba-emvitasio sambu na kuyibuka lufwa ya Kristu. Bo ke ke bingaka yo mpi Lusungiminu. Bambangi ya Yehowa ta vukana na Marsi 31 sambu na kuyibuka diambu yina ya bo ke tadilaka bonso dibaku ya kuluta mfunu na mvula ya mvimba. Bo ta vukana na bansi mpi na bateritware 240. Bo ke bingisa mpi bantu yonso na kukwenda kulanda disolo mosi ya Biblia. Ntu-Diambu na yo kele, “Yezu Kristu Kele Kibeni Nani?” Bo ta sala diskure yai na mposo ya Marsi 19.

David Semonian, kinati-ndinga ya Bambangi ya Yehowa tubaka nde: “Na 2017, bantu kuluta bamilio 20 kwisaka sambu na kuyibuka lufwa ya Yezu. Na kati na bo bantu bamilio 12 vandaka ve Bambangi ya Yehowa. Kuyibuka lufwa ya Yezu kele dibaku mosi ya mfunu sambu na Bambangi ya Yehowa mpi sambu na bamilio ya bantu na ntoto ya mvimba. Lukanu na beto kele ya kupesa bantu yina beto ke zingaka ti bo emvitasio sambu bo kwenda na lukutakanu yai ya ta salama ntama ve ti kisika ya bo ke zingaka.”

Nimero ya mimwangi-nsangu:

International: David A. Semonian, Office of Public Information, +1-845-524-3000